٧ فنانات لعبوا دور الزوجة التانية في الحقيقة

13/03/2019

الزوجة التانية مش دور بيلعبه المشاهير في السينما والدراما وبس، فيه قصص حقيقية عن مشاهير عاشوا موضوع الزوجة التانية في حياتهم الشخصية.

- فرح فيدرا الزوجة التانية بعد الرقاصة دينا لسامح الباجوري
تزوج سامح الباجوري من الرقاصة دينا وخلفت منه ابنهم "علي"، ولكن دخل عضو رابع العيلة كزوجة تانية لسامج الباجوري وهي الفنانة الأردنية فرح فيدرا، بعدها حصلت مشاكل بين دينا وفرح وصلت الأزمة لوسائل الإعلام حتى بعد وفاة زوجهم الباجوري في سنة 2001.

-  ياسمين عبد العزيز الزوجة التانية لمحمد حلاوة 
في 2001 قرر محمد حلاوة وياسمين عبد العزيز إنهم يتجوزوا، وكانت هي الزوجة التانية لحلاوة ولكن بعد زواجه من ياسمين منفصلش عن زوجته الأولى.
زواج ياسمين وحلاوة انتهى السنة اللى فاتت 2018 بعد 17 سنة جواز ودة كان بسبب الأقاويل اللى انتشرت عن زواج حلاوة من الفنانة ريهام حجاج.

- روبي قبلت تكون الزوجة التانية سرًا خوفًا على مشاعر الأولى
قبلت الفنانة روبي إنها تكون الزوجة التانية للمخرج سامح عبد العزيز، وكان جوازهم سر للخوف على مشاعر الأولى وهي الإعلامية داليا فرج، توترت علاقة روبي بسامح أكتر من مرة وانتهى علاقتهم برضه أكتر من مرة حتى بعد ما انجبت روبي طفلتها طيبة من زوجها سامح.

- هيفاء وهبي هي الزوجة التانية لأبو هشيمة
كانت هيفاء وهبي هي الزوجة التانية لرجل الأعمال أبو هشيمة، وقبلها كان متزوج وعنده أطفال من زوجته الأولى ولكن مستمرش زواج أبو هشيمة وهيفا وهبي كتير لإنه في سنة 2012 أعلن أبو هشيمة طلاقهم من غير الإعلان عن تفاصيل الموضوع.

- شريهان وإسعاد يونس ضراير ولكن حبايب
قبل قصة جوازهم من رجل واحد وهو علاء خواجة، كانت إسعاد يونس وشيريهان صديقتين، بدأت القصة لما اتعرضت شريهان لأزمة نفسية كبيرة في حياتها وفي الوقت ده لجأت لإسعاد يونس وزوجها، وجمعت قصة حب بين شيريهان وزوج إسعاد وقرر الاتنين الزواج ولكن عارضت إسعاد يونس الجواز دة، رغم كدة مستمرش خلاف الصديقين كتير، بعد ما أصيبت شيريهان بالسرطان وقفت جنبها إسعاد يونس ورجعت علاقتهم تاني وعاشوا مع بعض امرأتين لرجل واحد.

- في السر كانت إلهام شاهين هي الزوجة التانية
اتجوزت إلهام شاهين من رجل الأعمال اللبناني عزت قدورة في السر بسبب الخوف على مشاعر الزوجة الأولى لقدورة، بعدها مستحملتش إلهام شاهين إن الموضوع يفضل سر كتير فقررت إنها تطلق زوجها - أيوة العصمة كانت في إيدها -.

- نسرين إمام تعلن زواجها بسبب الحمل وتواجه خجلها من كونها الزوجة التانية
اتجوزت الممثلة نسرين إمام من المنتج تامر مرسي في السر، ولكن بعد حملها منه اضطرت لإعلان إنها زوجته وكانت رافضة الإعلان بسبب خجلها من إنها الزوجة التانية ليه.

Comments: