١٥ حاجة ممكن تخلي دخول الحمام "كابوس مرعب"

14/03/2019

بيتقال على الحمام إنه بيت الراحة، لإن الواحد من غيره يتعب وحياته تبقى جحيم، أكبر إثبات على إنه بيت راحة إنك لما تبقى خارج في ليلة شتوية ساقعة بتبقى بتدور على أقرب حمام جنبك، أو بترجع البيت ممكن تدخل الحمام بالجزمة عشان بتبقى مش قادر.

بس فيه حاجات غلسة جدا ممكن تنكد عليك لو عايز تعمل "بيبي" أو عشان بتغير مفهوم بيت الراحة اللي كلنا متفقين عليه زي:

1- ماتعرفش إن المياه قطعت إلا بعد ما تخلص

2- المناديل تخلص بعد ما تكون عملت خلاص

3- لما تبقى واقف مستني شخص برا وتبقى سامع كل حاجة

4- لما الحمام يتسد وإنت عند حد، أو الكومبنيشن يبوظ مثلا

5- تلاقي شخص مستنيك تفتح الحنفية والباب عشان يكمل بعدك لإنه قرفان من كل حاجة

6- يبقى حمام ميكس وتدخلي الحمام تلاقي نقط صفرا على القاعدة

7- المبولة الرجالى دي عموما شيء موتر جدا، إنك تلاقي حد واقف جنبك ده شيء استحالة يبقى مريح

8- لما تعرف إنك هتقعد فترة طويلة ماتدخلش حمام بيتك، لأن غالبا الحمامات التانية بتطول فترة الشيء اللي انت داخل تعمله

9- لما شخص مايشدش الكومبنيشن وهو خارج من الحمام

10- بعد ما تخلص وتضغط على زرار الصابون فتلاقي إن الصابون خلص

11- في الشتا.. لما تدخل الحمام وتفتح الشطافة بعد كده

12- لما تلاقي حد فتح عليك الحمام من غير ما يخبط

13- الأشخاص اللي بيبقوا عايزين يعرفوا مين جوا في الحمام

14- لو حد بياخد دش وإنت صحيت من النوم عايز تعمل بيبي، أو الأشخاص اللي بتطول عموما في الحمام وينسوا إن فيه ناس تاني ممكن تبقى عايز تدخل

15- الحمامات اللي بيبقى فيها شبابيك كبيرة أو مفتوحة، فهتفضل طول الوقت حاسس إن ممكن حد بيتفرج عليك

Comments: