كاميرات لمراقبة سعادة المواطنين في دبي: بتحلل تعبيرات الوش

14/03/2019

مرة تعمل منصب جديد في سنة 2016 تسميه وزارة السعادة، ومرة تانية تحط كاميرات في الأماكن اللي بتقدم فيها الخدمات للمواطنين عشان تقيس مدى سعادتهم ورضاهم عن الخدمة المقدمة، دي التدابير اللي بتاخدها الإمارات عشان تضمن سعادة المواطنين، ودي تفاصيل تخصيص كاميرات لقياس سعادة المواطنين.

- أعلنت هيئة الطرق والمواصلات RTA الإماراتية عن مبادرة جديدة أطلقتها في إمارة دبي، الهدف منها قياس مؤشر سعادة المواطنين

- المبادرة بتشمل تركيب كاميرات ذكية في 4 مراكز خدمة حكومية

- الكاميرات دي وظيفتها تحليل أوجه المواطنين قبل وبعد إتمام تعاملاتهم في مراكز الخدمة، وبعد كدة بتقيس تعابير الوش وتحللها بشكل فوري ودقيق

- الكاميرات مش بتخزن صور المواطنين اللى بتحللها حفاظا من الدولة على الخصوصية 

- مبادرة كاميرات السعادة هتساعدهم على اتخاذ كل القرارات اللازمة لتحسين خدامتهم بشكل مستمر

- أما عن إمكانيات الكاميرات فهي تقدر تلقط الصور بمعدل 30 إطار في الثانية الواحدة وفي نطاق 7 متر، ومحيط رؤية 65 درجة، وبتتميز بخواص زي تقليل تشويش درجة الإضاءة

- الكاميرات مش بس بتلقط صور وتحلل تعابير الوجه ولكن بتدي مؤشرات تفصيلية عن مستوى سعادة المتعاملين وبترسل إشعارات يومية عند انخفاض مستوى السعادة

Comments: