١٧ معلومة مبهرة: الصحوبية محتاجة مجهود أكبر من الجواز

04/04/2019


فيه ناس بيبقى عندها حب الاستطلاع بيبقوا عايزين يعرفوا كل حاجة في الدنيا، ده في الغالب ده بيبقى مجرد فضول، لإن فيه حقايق ومعلومات كتير الواحد مايعرفهاش وكويس إنه مايعرفهاش، فيه 20 حقيقة جمعهم موقع list25 لو عرفتهم هتفضل مصدوم طول عمرك:

1- المواقع الدينية ممكن تملى جهازك فيروسات أكتر من المواقع الإباحية

2- علماء الأحياء في جامعة كولورادو لقوا إن حوالي 15% من الهوا اللي الناس بتستنشقه في مترو نيويورك متكون من جلد أو بمعنى أصح فيه أجزاء من الجلد الميت من ناس تانية، شوف بقى مترو القاهرة عامل إزاي

3- ألفيس بريسلي كان بلوند بس هو اللي صبغ شعره باللون الأسود

5- الرفض (لما حد يرفضك) والتعب الجسدي عقلك بيستقبلهم زي بعض، وبالرغم من الدماغ مابتعاملهمش بنفس الطريقة بالظبط، إلا إن الدماغ بتفرز نفس المواد الأفيونية عشان تتعامل مع آلامهم

6- الماموث انقرضت  بعد 1000 سنة من انتهاء المصريين من بناء الهرم الأكبر

7- الباحثين في جامعة هارفارد لقوا إن الأشخاص اللي بياخدوا قيلولة منتظمة على مدار 6 سنين عرضه أقل للوفاة بنسبة 37% لإنهم أقل عرضة لأمراض القلب  

7- الأبحاث لقت إنك وإنت مصاحب بتبذل مجهود وبتعمل حاجات أكتر من لو بقيت زوج، وممكن تعتبر دي حجة حلوة للجواز

8- النمل الأبيض هو أطول حشرة بتعيش وبتقول بعض التقديرات إن النمل الأبيض ممكن يعيش لحد 100 سنة

9- لو عايز تخس أهم حاجة تبطل تاكلها هي الشيبسي عشان هو أكتر حاجة ممكن تسبب زيادة الوزن

10- 75% من الأكل كله عموما خارجين من 12 نبات و5 مصادر حيوانية، فمهما كانت المنيو طويلة فأغلب مصدرها واحد

11- إحنا ممتنين جدا للرومان، لأنهم اخترعوا حاجات عملت طفرة في البشرية ولسه بنستخدمها لحد دلوقتي، اخترعوا الطرق والصرف الصحي والقنوات المائية، لكن الحاجة اللي بنحمد ربنا إنها ماتطورتش ومانتشرتش بعدهم هي طريقتهم في نظافة بوقهم، فهما كانوا بيستخدموا البول عشان ينضفوا بوقهم.

12- 30 ألف موقع بيتم اختراقهم كل يوم

13- النمور المحبوسة في الأقفاص في أمريكا أكتر من النمور البرية، في البرية تقريبا عددهم 3200 نمر لكن عدد النمور المحبوسة 5000 نمر.

14- أغلبنا واخد الكهربا أمر واقع وأمر مسلم بيه لإننا مانقدرش نعيش من غيرها بس اللي ماتعرفهوش إن فيه 1.2 مليار شخص عايش في العالم عنده نقص في الكهربا أو ماعندوش كهربا خالص.

15- الفم مليان بكتيريا، في الواقع فيه 100 مليون بكتيريا في كل مليمتر في اللعاب بتاعك، مكونين من أكتر من 600 نوع من البكتريا ونص البكتريا دي مالهاش اسم لسه

16- إسفنجات غسيل المواعين دي تقريبا أكتر حاجة مليانه جراثيم في البيت، لإن بتبقى فيها ملوثات مختلفة وعادة بيبقى فيها 10 مليون من البكتيريا

17- تعرف إن مكتبك بيبقى أقذر من التواليت، لإن بيبقى عليه 400 مرة أكتر من البكتريا اللي ممكن تبقى موجودة في الحمام (صورة/ جيف)

Comments: