مميزات إن يبقى عندك كلب Vs مميزات إن يبقى عندك قطة

04/04/2019

الحيوانات الأليفة بيبقوا أكتر من مجرد كائن حي معاك في البيت، بيبقوا صحابك على قد ما بتهتم بيهم هما كمان بيهتموا بيك، الحيوانات الأليفة اللي ممكن تعيش معاك في البيت هما أكتر من نوعين بس دايما الخناقة بين الناس بتقوم على نوعين هما الكلاب والقطط، ناس بتشوف الكلاب أوفى وناس بتشوف القطط أحلى وتبدأ الخناقة بس الحقيقة إن لكل حيوان مميزات.

خلينا نقولك مميزات إن يبقى عندك كلب:

1- إن يبقى عندك كلب ده هيساعدك تتحرك أكتر أو تمارس رياضة على الأقل المشي، لإن الكلب لازم يمشي في اليوم على الأقل نص ساعة وإنت بتتمشى معاه كل يوم ده هيساعد صحتك تتحسن أكتر.

2- هتحس بضغوطات أقل، دراسات كتير قالت إنك لما تلعب مع الكلب بتاعك أو تتفرج عليه ده بيقلل من عليك إحساس الضغط أو التعب شوية.

3- حياتك الاجتماعية هتتحسن وده لإنك غالبا لما بتتمشى مع الكلب بتاعك الناس هيوقفوك ويتكلموا معاك.

4- أولادك هيبقى عرضه أقل للحساسية لإن غالبا الأطفال اللي بيكبروا في بيت فيه كلاب بيبقوا عرضه أقل للحساسية لما بيكبروا.

5- هتحس باكتئاب أقل أو هتبقى أقل عرض للإصابة بيه لإن تربية الكلاب بتساعد الأشخاص يبقوا إيجابيين أكتر.

6- وجودهم بيبقى رائع لما بيكون فيه حد كبير في السن في البيت، ده غير إن الدراسات بتقول إن لو فيه شخص كبير بيعاني من الزهايمر في البيت بتجي له نوبات أقل لما بيكون فيه كلب في البيت.

7- هتحس بأمان وهما في البيت، ده غير طبعا إنهم بيبقوا أوفى صاحب ليك في أي وقت.

لكن بقى مميزات إن يبقى عندك قطة:

1-  إن يبقى عندك قطة ده أفضل للبيئة

2- القطط هتلبي احتياجاتك إن يبقى عندك شريك خصوصا للستات لإن فيه  دراسة نمساوية اتعملت سنة2003 قالوا فيها إن وجود قطة في البيت لشخص عاطفي بتساوي إن الواحدة تبقى مصاحبة.

3- وجودهم ممكن يقول حاجات كتير ليك وللناس عنك وعن شخصيتك، أغلب اللي عندهم كلاب بيميلوا للدوشة لكن أغلب اللي عندهم قطط بيميلوا للهدوء، واللي عندهم القطط برضه متواضعين أكتر.

4- هيخلوك تنام أحسن، وبالذات للستات برضه، لإن فيه دراسات كتير اتعملت في أمريكا وضحت إن الستات بتحب تنام أكتر جنب القطط من شريكها حتى.

5- ممكن ينقذوا حياتك، وده حصل مع أكتر من حالة إن القطط قدرت تنقذ حياة صحابهم من الموت

6- القطط هتساعد على التخطي خصوصا لو تخطي العلاقات أو أي أمر مؤلم خصوصا لو بتعيط يعني لإنهم بيحسوا بيك

7- لو كنت راجل مش مصاحب وعندك قطة فيه دراسة بريطانية لقت إن 82% من الستات بينجذبوا أكتر للرجاله اللي عندهم حيوانات، ودراسات تانية لقيت إن 90% من الستات بتنجذب أكتر للرجالة اللي عندهم قطط

Comments: