١٥ خدعة بصرية بتثبت إن مش كل اللي تشوفه تصدقه

08/04/2019

قالوا زمان في المثل مش كل اللي تشوفه تصدقه ولا كل اللي بتسمعه حقيقي، وده حقيقي بنسبة كبيرة لإن العالم مليان بالأوهام والخدع البصرية، وبالرغم من إن دماغنا أغلب الوقت بتحاول تفهم العالم من حوالينا بس ساعات بتخرج عن السيطرة وبتخلينا نبدأ في نشوف حاجات مش حقيقية.

دي أهم البصرية في التاريخ، واللي رصدهم موقع list25 :

1- الحلقات الدوارة:

لو كنت مركز مع النقطة اللي في النص ابعد رأسك كده عن الشاشة وحاول تشوف الصورة من بعيد، هتلاقي إن الحلقات بتبدأ تدور، ولو قربت تاني هتلاقي إن الحلقات بتدور في الاتجاه التاني.

2- هيرمان جريد:

دي خدعة بصرية كلاسيكية اسمها لوديمار هيرمان، اكتشفه سنة 1870، في كل نقطة بتتقاطع فيها الخطوط البيضا مع بعض هتشوف نقط رمادي وهي نقط غامضة كده، ولو بصيت على التقاطعات دي بشكل مستقيم هتلاقي إن النقط دي اختفت.

3- تلاشي الصور:

لو ركزت في الصورة لمدة 30 ثانية هتحس إن الصورة بتتلاشى تلقائيا، واللي بيتقال عليها إنه تنوع في التأثير واسمها "Troxler" ولو ركزت على نقطة معينة هتلاقي إن الصورة بتتلاشي من النقطة دي.

4- مثلث كانيزا:

عالم النفس غايتانو كانيزا هو اللي سمى الخدعة البصرية باسم مثلث كانيزا، وهو اللي وصف تأثيره إنك لما تبص للصورة عقلك هيرسم خطوط للمثلث بالرغم إن مافيش أي خطوط.

5- بليفت:

ودي صورة من أهم صور الخداع البصري لجسم غريب، فهي صورة تقدر تشوفها مستطيل له ضلعين وممكن تشوفها صورة لـ 3 أسطوانات.

6- وهم الوحش:

الصورة دي تقريبا في أغلب كتب المدارس في مادة علم النفس، بتشوف وحوش وهمية بتجري، عقلك تلقائي بيحكم على اللي في الصورة بدل ما يحكم على إن الصورة أكبر من حجمها أصلا.

7- خدعة جاسترو:

اتسمت الخدعة دي باسم روبرت جاسترو في سنة 1889، هيبان إن الرقم اللي تحت أكبر من الرقم اللي فوق مع إن هما الأتنين حجمهم واحد أصلا، وده لإن القوس اللي فيه حرف الـ A أصغر من اللي فيه حرف الـ B

8- الحلزوني الخاطئ:

وصفه عالم النفس البريطاني جيمس فريزر أول مرة سنة 1908، لإنه بيبان إن الأقواس المتداخلة بتتصاعد للمالانهاية، لكن هي في الحقيقة مجموعة دواير متداخلة المركز.

9- شبكة التلألؤ:

ده شكل مختلف لشبكة هيرمان بتظهر النقط السودا وبتختفي عند تقاطعات الخطوط الرمادية، ومن الحاجات الغريبة إنك لو ميلت رأسك بدرجة 45 درجة هتلاقي تأثير النقط السودا بيقل لكن مابيختفيش.

10- الأزرق Vs الأخضر:

فيه اختلافات كتير في الخداع البصري ده، لكن التأثير هو نفسه، هتتلخبط هي الخلفية أزرق ولا أخضر بس في الحقيقة هما واحد (افتح الصورة على الفوتوشوب)

11- السلم اللانهائي:

الخداع البصري ده معمول من المكعبات، ممكن تشوفه مثلث وممكن تشوفة سلم.

12- خدعة هيرينج:

بالرغم من إن الخطوط الحمرا باينه إنهم منحنين لبرا، بس هما مستقمين ومتوازين، الخداع البصري ده بيرجع لعالم فيزيولوجي ألماني اسمه إيوالد هيرينج، بيعتقد إن الغلط في تقدير الصورة راجع للعقل اللي بيبالغ في تقدير الزوايا في نقط التقاطع.

13- دواير تيتشينير:

معروفة برضه باسم دواير إبنجهاوس، لسه فيه جدال في الأوساط النفسية عن آلية الدواير وتأثيرها، في الأساس بيبان إن الدايرة البرتقاني الموجودة على الشمال أصغر من الدايرة اللي على اليمين مع إنهم نفس الحجم.

14- الصورة الظلية:

صممها  نوبويوكي كاياهارا، فيه ناس بتشوف إن البنت بتلف في اتجاه عقارب الساعة في حين إن ناس تانية بتشوف البنت بتلف عكس عفارب الساعى، ، ماتحاولش تقضي وقت طويل عشان تعرف لإنك ممكن تقعد طول اليوم تتفرج عليها ومش هتعرف.

15- فوق وتحت:

بالرغم إن واضح إن العواميد اللي موجودة في الصورة بتطلع فوق وبتنزل تحت إلا إن عقلنا بيتهيأله إن العواميد بتتحرك ناحية اليمين.

Comments: