مش البنات بس اللي بتـ PMS والرجالة كمان بتـ IMS

10/04/2019


معظم الرجالة بيحكموا على الست اللي بتعاني من العصبية أو متقلبة المزاج إنها بتـ PMS، لإن تقلب الهرمونات فعلا بيبقى سبب في تقلب المزاج والعصبية، بس اللي أغلب الرجاله مايعرفهوش إن الرجالة بتعاني من تقلب الهرمونات برضه اللي بتأثر على مزاجهم وبيـ PMS.

الـ PMS عند الرجالة مش زي الستات أكيد بسبب الاختلاف الفسيولوجي بمعنى إن مافيش العمليات المتعلقة بالرحم والتبويض والتخصيب، بس عند الرجالة بيكون اسمها IMS وهي اختصار لـ (Irritable Male Syndrome)، وده بيرجع بسبب إنخفاض مستوى التيستيرون عند بعض الرجالة، وممكن يحصل IMS في أي وقت الراجل بيعاني فيه من إنخفاض التيستيرون مش زي الستات له وقت معين، لكن غالبا ما بيكون التيستيرون أعلى الصبح وبعد كده بيبدأ يقل مع مرور اليوم.

ممكن يبقى فيه عوامل كتير بتسبب إن هرمون التيستيرون يقل زي الإجهاد وتغيير النظام الغذائي وغالبا أي حاجة ممكن تأثر على مستوي التستيرون عند الرجاله، وده اللي بيسبب الـ IMS عند الرجالة واللي بيبقى شوية بيشبه فترة الـ PMS عند الستات عند بعض الرجاله لإنهم بيكونوا عاطفيين زيادة أو مزاجهم سيء.

الرجالة اللي بيعانوا من IMS بيبقوا مزاجيين، بيعانوا من الغضب أكتر، ممكن يبقوا متوترين أو قلقنين، وممكن يعانوا كمان من اكتئاب أو قلة تقدير الذات.

الستات كمان لازم تقدر الراجل في الوقت ده وتفهم إنه بيعاني من تقلبات في الهرمونات مش زي ما بتحصلهم طبعاً، ولكن قريبة منها وبيبقى واضح فيها الأعراض اللي قولناها فلازم تعرف إنها "فترة"، بس لو ماكنتش عارفة تتعامل معاه فممكن تتكلم معاه وتحاول تخفف التوتر من عليه، وممكن توصف ده لدكتور لو استلزم الأمر وهو ممكن هيساعدها إنه يوصفلها نظام غذائي أو أدوية.

Comments: