عبثيات: إزاي تتخلص من التوتر؟

11/04/2019


"يلا بسرعة"، "عندك ميتنج حالا"، "عايزينك"،  "الديد لاين كمان نص ساعة"، "باقي من الزمن 10 دقايق" بتهز رجلك؟ إيدك عرقت؟ طرقعت صوابعك؟ اتوترت؟ بتـ Panic؟ معلش أني آسف حالا هنقولك إزاي تتخلص من التوتر:

1- المزيكا هي أذكى علاج للتوتر، عشان كده اخترنا لك التراك ده هيساعدك تتخلص من التوتر

2- اركب مع سواق ميكروباص على المحور، واستمتع بالطيران الأرضي وأنت بتتشاهد على روحك، وشغل التراك اللي فوق وإنت راكب

3- اتفرج على الـ GIF الجميلة دي

4- ادخل اقرا رسايلك القديمة مع كل الناس اللي قطعت معاهم

5- فكر في كل موظف دعم فني في شركة إنترنت اتخانقت معاه، ممكن يكون استخدم الـ IP بتاعك في إنه يعرف المواقع اللي بتدخل عليها

6- اعمل Unmute لجروب العيلة على "واتساب"

7- راقب الريسيت وهو بيخرج من المكنة بعد 3 ساعات شوبينج

8- سيب باب الأوضة مفتوحة في ليلة خماسينية مليانة هوا وزعابيب

Comments: