إحصائيات مخيفة عن المواقع الإباحية: تشجع على العنف والخيانة

14/04/2019

المحتوى الإباحي واحد من أهم التحديات اللي مشغول بيها المهتمين بالـ Online Safety والآباء واللي شغالين في في مجالات التربية وتنمية مهارات الأطفال، خصوصا وإن عدد ضخم من الأطفال بيتعرضوا للمحتوى الإباحي سواء بإراداتهم أو بغير إرادتهم في عالم صعب السيطرة فيه على أي حاجة، والنفاذ لأي شكل من أشكال المحتوى على الإنترنت، أسهل من السهولة، ده غير جريمة استغلال الأطفال جنسيا والإقبال الكبير على مشاهدة أفلام إباحية أبطالها أطفال أو مراهقين، بالإضافة للعنف اللي بتولدوا المشاهد الإباحية.

الإحصائيات اللي جاية عملها موقع Enough المهتم بالاستخدام الآمن للإنترنت، واللي بتبين حجم الإقبال على المواقع الإباحية، وخدت الإحصائيات نموذجها على موقع Pornhub.

- سنة 2018، حقق موقع Pornhub أكتر من 35 مليار زيارة

- خلال السنة، البحث عن الموقع سجل معدل 962 بحث في الثانية

- كل دقيقة، في 64 ألف شخص بيدخلوا على الموقع

- 12 فيديو جديد، وساعتين من المحتوى بيتم نشرهم كل ساعة على الموقع

- مدة زيارة المستخدم الواحد للموقع عدت الـ 10 دقايق

- نسبة النساء اللي زاروا الموقع في 2018 زادت ووصلت لـ 29%

- متوسط عمر مستخدمي الموقع 35 سنة ونص

- الشباب من 18 لـ 34 سنة، بيمثلوا 61% من مستخدمي الموقع

- 80% من زيارات الموقع جاية من Smart Phones و Tablets

- أمريكا هي المستهلك الأول للمحتوى الإباحي اللي أبطاله أطفال

- في 4 ونص مليون موقع إباحي على الإنترنت، نصهم في أمريكا

- وحدة الاتجار في البشر بولاية مينيسوتا الأمريكية اتكلمت عن 46 ورقة بحثية أكدت إن متابعة المحتوى الإباحي بيرفع مخاطر ارتكاب المشاهدين للعنف الجنسي، وده لأن 88% من المشاهد الإباحية فيها عنف إما لفظي أو جسدي

- باحثين في جامعة ماساتشوستس لقوا إن البحث على "جوجل" عن الأفلام الإباحية للمراهقين، تضاعف 3 مرات في الفترة من 2005 لـ 2013 بمعدل بحث 500 ألف مرة في اليوم

- الدراسات أثبتت إن الأشخاص اللي مش بيتفرجوا على محتوى إباحي بيقدروا يرتبطوا في علاقات عاطفية أقوى وأكتر استقرار، مع انخفاض كبير في معدلات الخيانة بالمقارنة بالأشخاص اللي بيشاهدوا محتوى جنسي.

- المواقع الإباحية بتسجل أعداد زيارات ومشاهدات شهرية أكبر من "نيتفلكس" و"أمازون" و"تويتر"

Comments: