معنى احتفال صلاح بهدفه ضد تشيلسي: حركة يوجا

14/04/2019

سجل محمد صلاح هدف من ضمن هدفين سجلهم فريقه النهاردة في مبارة لعبها قدام تشيلسي، ضمن منافسات الجولة الـ 34 بالدوري الإنجليزي.

لكن الهدف بتاع صلاح كانت عليه لمسة مختلفة وهي طريقة احتفاله بالهدف، واللي كانت عبارة عن حركة تشبه لحد كبير حركات اليوجا، طبعًا الحركة واللي اسمها حركة اليوجا دي اتكلم عنها كل صفحات الكوميكس و بقت ترند لف العالم كله.

وباعتبار أن الملعب هو ساحة لاعب كرة القدم، واللي من خلالها بيقدر يعبر عن مواهبه في اللعبة ومش بس كدة كمان أي لاعب كرة قدم بيرد على الانتقادات اللي بيتعرض ليها في الملعب ودي كانت طريقة صلاح بعد فوزه باحراز هدفه النهاردة، أنه يحتفل بالجون ويعبر بدة ويقول إنه بيعيش فترة من السلام النفسي الداخلي وإنه مكمل في مشواره رغم كل الانتقادادت اللى بيتعرض ليها.

Comments: