١٣ حاجة هتحميك في فترة تقلبات الجو

15/04/2019

الجو اللى مش راسي على حال، مش عارفين نتقل في اللبس ولا نخفف، دة غير العواصف الترابية وفصل الربيع اللى بيجي بتلقيح الأزهار وحساسية في الجيوب الأنفية والعين، معاناة صعبة أوي الفترة دي للناس، بس عشان تخفف على نفسك المعاناة دي جمعنا لك نصايح ضروري تتبعها لو عايز تخرج سليم.

- نفس الاحتياط ده هتعمله لما تجيب معاك كمامة تلبسها عشان لو الجو قلب تراب

- لو إنت بتعاني من حساسية في الجيوب الأنفية خلي معاك دايمًا البخاخة بتاعتك

- خلي معاك "وايبس" أو مناديل مبللة عشان تتخلص من الجراثيم والأتربة اللي بتكون في الجو اللي زي ده

- طبعا الأحسن في الجو دة هو إنك تلبس تيشرت بنص كم أو تيشرت قطن خفيف وتاخد معاك جاكيت بس تقلعه في المكان الدافي ولما تخرج منه تلبس الجاكيت

- اهتم بنظافتك الشخصية من غسيل الأيدي كل فترة عشان الأتربة والجراثيم

- في الفترة دي لازم تكون بتنام كويس عشان النوم الكويس هيخليك مرتاح ويقوي مناعتك

- اشرب سوائل كتيرة في الفترة دي لأن ده هيساعدك إن المياه تكون موجودة في جسمك بنسبة مناسبة

- ركز على الفواكه اللي فيها فيتامين سي زي البرتقال والجوافة والطماطم والأناناس والكيوي هتكون مفيدة ليك في فترة تقلبات الجو

- الجنزبيل والقرفة الحاجتين دول حاول تشربهم باستمرار أو تدخلهم في أكلك هتديك طاقة كويسة تخفف البرد من جسمك، أو تمنع عنك البرد من الأساس


- خلي معاك النضارة الشمس طول الوقت عشان موسم حساسية العين بدأ والنضارة الشمس طبعًا وهي طبية هتكون مفيدة ليك جدًا

- لو بتعاني من حساسية الصدر أو الجيوب الأنفية في الفترة دي ضروري تحافظ على العلاج بتاعك بشكل منتظم

- التهوية ضرورية جدًا في الفترة اللي زي دي عشان يبقى جو الأوضة صحي ويمنع الأمراض، أما لو أصلًا فيه حد عنده برد في المكان ميعديش باقي الناس اللي موجودة معاه.

- فيه تطعيم بيكون متاح في الفترة اللي زي دي وهو تطعيم الأنفلونزا والالتهاب الرئوي.

Comments: