العلم نور.. اختراع حبوب منع حمل للرجالة

16/04/2019

كتب - رحاب سعدي 

كلنا عارفين حبوب منع الحمل للستات وأدوات منع الحمل بشكل عام، بس الجديد واللي يمكن أغلب الناس تستغربه هو حبوب منع الحمل للرجالة، والمدهش في الموضوع إنها مش بتأثر على الرغبة الجنسية عندهم.

في البداية كدة الموضوع لسه تجريبي يعني الباحثين لسة بيجربوا الفكرة عشان تكون آمنة بشكل كامل وكمان تقلل مستوى اللي بتأثر على إنتاج الحيوانات المنوية.

العقار عبارة عن حمض دهني طويل السلسلة وظيفته أنه يبطئ من عملية قذف الحيوانات المنوية، كمان خلال سنوات التجربة كان العلماء اختبروا العلاج على 100 رجل من الأصحاء وكانت أعمارهم بتتراوح بين 18 الى 50 سنة، وده كان في المركز الطبي لجامعة واشنطن في الولايات المتحدة الأمريكية.

التجربة أظهرت نتائج بانخفاض مستوى هرمون "التستوستيرون" واتنين من الهرمونات اللى بيكون وظيفتها إنتاج الحيوانات المنوية، وبكده يبقى أنتج العلم أول حبوب منع حمل للرجالة، واللي بيقدر العلماء إنه تداولها هيكون بعد 5 لـ 10 سنين.

Comments: