١١ نصيحة تنقذ نفسك بيهم من الغرق

17/04/2019

كتب - رحاب سعدي 

بمناسبة اقتراب الصيف وطبعًا في الجو ده الناس كلها بتروح مصايف، ومش شرط تكون بتعرف تعوم عشان تطلع تصيف، ناس كتيرة أوي مبتعرفش تعوم وجايز يكون من ضمنهم إنت، بس عشان طالعة المصيف تعدي على خير وبأمان لازم تبقى عامل احتياطاتك كلها ومأمن نفسك، في الموضوع دة هتلاقي خطوات هتساعدك تنقذ نفسك لو كنت على وشك الغرق:

- أهم خطوة لازم تاخد بالك منها هو تركيزك على راسك لازم ترفع راسك لفوق وتبص للسما، متسيبش رأسك في وضع أفقي

- الحركة اللي بترفع فيها إيدك لفوق وتنزل راسك وهي حرجة معروفة في الاستغاثة في حالة الغرق دي حركة خطر، مهم راسك تكون فوق الماية مش تحتها

- كمان إيدك ضروري تكون تحت الماية ومتحاولش تخرجها لإنك لو خرجت ذراعك فوق الماء دة يعتبر وزن زيادة على جسمك وبالتالي هيساعد في إنك تغرق بسرعة وبسهولة

- حاول تحرك رجليك كأنك بتسوق عجلة للأمام والخلف، وتعوم

- الخطوات اللي فاتت ملخص لطريقة طريقة في إنقاذ نفسك وهو إنك تكون واقف في الماية


- فيه وضعية تانية هتقدر تنقذك من الغرق وهي وضعية الطفو على سطح الماء، تفضل نايم على سطح الماية  بشكل مفرود صدرك باطنك مرفوعين لفوق، و دماغك تكون مرفوعة لفوق ومايلة للخلف واحرص على إن ودانك تكون في الماية.

- مهم تعرف إن وزنك من داخل الماء لخارج الماية، وزن جسمك تحت المياه بيكون صفر

- ضروري تتحكم في حالة الخوف اللي ممكن تصاب بيها، اتنفس وركز على حركة جسمك في الخطوات اللي قولناها فوق دي

- ماتحربش المياه بخطوات سريعة وفيها خوف.. ده هيساعد في إنك تغرق أسرع.

- ضروري تتنفس بشكل أحسن وتهدي نفسك لأنك لما تخاف وتتسرع في حركتك كده إنت مش بتساعد نفسك

- ليه مهم جدًا تتعلم إزاى تنقذ نفسك من الغرق لو مبتعرفش تعوم، دة لإن الغرق أحد أكثر الأسباب انتشارًا للوفاة في جميع أنحاء العالم

Comments: