إزاى الحيوانات ممكن تصاب بالاكتئاب

17/04/2019

كتب - رحاب سعدي 

مش البني آدمين بس هما اللي بتجيهم أمراض نفسية، لكن كمان الحيوانات بيتعرضوا للإصابة  بالاكتئاب ، طبعًا بتكون فيه أسباب ممكن تخلي الحيوانات تعاني من الاكتئاب، منها إن حد ينقلهم من المكان اللي هما فيه ويوديهم مكان تاني، كمان من أصعب أنواع الاكتئاب اللي ممكن تصيب الحيوانات هو الاكتئاب الناتج عن الصوت العالي.

أعراض إكتئاب الحيوانات عادة تتمثل في الامتناع عن الطعام وفقدان الشهية، دة غير الكسل وعدم قدرتهم على النوم، بالإضافة إنهم بيقعدوا وقت طويل منعزلين، فلو حيوانك الأليف ظهرت عليه الأعراض دي لفترة طويلة وحالته المزاجية متحسنش دة معناه إنه ضروري لازم تعرضه على دكتور بيطري.

فيه أسباب كمان لإصابة الحيوانات بالاكتئاب زي ما تم التعرف على الأعراض، على سبيل المثال يصاب الأسد بالاكتئاب لما يعتدي على صاحبه أو الحارس الخاص بيه، وبعد مراجعة نفسه يصيبه الحزن، ومش ده بس يعني لو مراته ماتت ممكن كمان يجيله اكتئاب، ووفق لجريدة الرياض في حوار منشور عندها

أما حيوان الشمبانزي ممكن يجيله اكتئاب من الضوضاء اللى بيعملها الزوار حواليه ومن معاملة الجمهور ليه، وبيظهر عليه الاكتئاب في شكل أنه يضرب عن الطعام لفترة ويدخل بيته وميخرجش منه، وعلى العكس تمامًا ممكن الأسد يخرج من بيته ويصرخ ويعمل دوشة كبيرة حواليه.

أما عن الزرافة ممكن تكتئب وترفض تخرج للجمهور لغاية ما تستقر نفسيًا وتهدى وبعد كدة تخرج مرة تانية في حالة إنها كانت في حديقة حيوانات أما لو في الغابة فهي بتتبع نفس الأسلوب.

نيجي للدب بقى فهو حيوان سهل الاكتئاب وسريع المعالجة في نفس الوقت، الحقيقة إن سبب الدببة في أنه يجلها اكتئاب غريب شوية وممكن يكون مضحك لكنه في النهاية سبب هو احساسها بالغيرة لما تلاقي الناس بتلعب مع حيوانات تانية غيرها وإنها مش السبب الوحيد في إسعاد الناس.

Comments: