ليه النودز خطيرة وممكن تبوظ حياتك؟

21/04/2019

انتشرت كلمة على السوشيال ميديا وبقيت تريند عالمي وهي "Send nudes"، لكن للأسف السيلفز من النوع ده بتسبب مشاكل كتير زي الابتزاز مثلا، حتى لو الطرف التاني طلب منك وحلف لك على كل الكتب السماوية إنها هيحتفظ بيها لنفسه وإنه عايزها بس وعايز يشوفك على الحقيقة، مايستحسنش برضه تبعتي له أي صور فيها نودز.

في يوم النودز هنقولك ليه ممكن ماتبعتيش نودز أصلا لأي حد حتى لو واثقة فيه وتعرفيه كويس:

1- لإنك أكيد مهتمة بمستقبلك:

كلنا نفسنا نبقى أشخاص مهمين أو مشهورين أو محققين أي إنجازات في حياتنا، عشان كده فكري في مستقبلك عشان لو الشخص اللي بعتي له نودز ابتزك في يوم بيهم هتتعرضي لمخاطر كتير وضغوطات مجتمعية ونفسية كتير.

2- ده جسمك إنت بس:

لإن ده جسمك وماحدش يستحق يتحكم فيه غيرك، ولو حصل وحد ابتزك أو مسك عليكي الصور دي هيبقى فعليا بيتحكم فيكي.

3- ممكن يبقى سبب إنك تفركشي:

بس الحركة دي اتسببت في مشاكل طلاق وفركشة كتير حتى لو ماكنتش متجوزة بس فيه وقت من الأوقات هتبقى مرتبطة بشخص بأي شكل وده ممكن يتسبب في مشاكل مستقبلية خصوصا لو كنتي مخبية عليه.

4- مش إنتي الوحيدة اللي هيطلب منك:

لإن الزهق اللي بيبقى قاعد فيه ممكن يخليه يكلم بدل الواحدة كذا واحدة وأكيد مش كلهم هيوافقوا يبعتوا، ماتبقيش إنتي اللي بتبعت.

5- ممكن يوري الصور دي لصحابه:

لإن طالما طلب منك الطلب دهيبقى أكيد شايفك حلوة وهيبقى فخور بنفسه إنك بعتي له حاجة.

6- ممكن موبايله يتسرق أو يضيع:

بافتراض كل النوايا الكويسة فيه احتماليه إن الموبايل يتسرق منه أو يضيع أو حد يعمل هكر على الأكونتس بتاعته ويبتزكوا انتوا الأتنين.

7- مفيش حاجة أمان حتى السناب شات وانستجرام:

حتى لو هتبعتي صورة بتتشاف مرة واحدة بس فالتكنولوجيا اتطورت وبقى ممكن ياخد سكرين شوت من الصورة.

8- الإنترنت مكان غير أمن:

ممكن في أي لحظة تبقى تريند حتى لو مش عارفة ده، هل بتعتقدي إن كل صور البنات على الإنترنت هما اللي عملولها بوست بنفسهم!! الإنترنت حاليا بقى مكان غير أمن.

9- ممكن تبعتيها لأسم غلط أو لشخص غلط:

كتير ممكن نبعت حاجات لأشخاص غلط لمجرد إن الهندل بتاعهم شبه بعض.

10- تستحقي حد يحبك إنت:

في النهاية لازم تبقي عارفة إنك تستهلى حد يحبك إنت مايحبش جسمك أو يبقى معجب بيكي عشان صورة حتى لو الصور دي اللي هتحسسك إنك مرغوب فيكي

Comments: