ملخص تفجيرات سريلانكا: 8 تفجيرات 200 قتيل و 400 مصاب

21/04/2019

النهاردة الأحد 21 أبريل حصل سلسلة تفجيرات إرهابية في سريلانكا عددهم 6 تفجيرات  في 3 كنائس هما كوتشيكادي في كولومبو ومدينة نغومبو وباتيكالوا في وقت إقامة المراسم الدينية للاحتفال بعيد الفصح.

الانفجارات كمان استهدفت 3 فنادق في كولومبو العاصمة السريلانكية.

وبعد كده حصل تفجيرين كمان واحد في حي ديماتوغيدا والآخر في حي دهيوالا وكده يبقى مجموع التفجيرات 8 تفجيرات.

ولحد دلوقتي ما أعلنتش أي جماعة عن مسؤوليتها عن التفجيرات دي.

عدد القتلى 200 قتيل و 400 مصاب حتى الآن حسب موقع RT

فرضت الحكومة السريلانكية حظر التجول في البلد 12 ساعة من الساعة 6 بليل ولحد 6 الصبح بتوقيتهم المحلي، وتم حجب مواقع التواصل الاجتماعي في البلد بعد سلسلة التفجيرات.

وقالت مصادر في الشرطة لموقع RT إن التفجيرات استهدفت 4 فنادق وكنيسة في كولومبو و كنيستين برا العاصمة، وإن أكتر من 50 شخص ماتوا في كنيسة القديس سيباستيان في كاتوفابيتيا ونشرت الكنيسة على صفحتها الرسمية على الفيسبوك بيظهر فيها حجم الدمار وأعداد كبيرة من الضحايا.

الجدير بالذكر إن الحكومة في سريلانكا أعلنت حالة الطوارئ نهاية الشهر اللي فات بسبب هجمات متكررة على مساجد وأملاك المسلمين من متطرفين من أبناء عرق السنهال البوذيين اللي بيشكلوا غالبية السكان في سريلانكا.

Comments: