٥ أفلام هتغير رأيك في السينما التسجيلية: متعة وإبهار ومفاجآت

21/04/2019

أغلب الناس بتعتقد في السينما التسجيلية/ الوثائقية إنها مملة وقايمة على حقايق ومعلومات مفيهاش بناء سردي ممتع أو حكاية تشد للفرجة، والحقيقة إن الفيلم التسجيلي هو عمل فني/ حكاية فيها بناء محدد ببداية ووسط ونهاية أو بشكل تاني من أشكال البناء، وبخلاف إن دي قاعدة ثابتة في صناعة الأفلام كلها، إلا أن بعض الأفلام التسجيلية بتكون ممتعة في محتواها وكاشفة لتفاصيل ممكن ماتتصدقش من غرابتها أو بعدها عن عقل المشاهد.. إحنا جمعنالكم 5 من أمتع الأفلام التسجيلية:

- Hungry for Change 

الفيلم إنتاج 2012، وبيكشف أسرار خطيرة عن الغش والخداغ في عالم الصناعات الغذائية، وإزاي الأكل بيتعمل عشان يسبب إدمان المستهلكين، بالإضافة لحجم الخداع في منتجات الدايت.

- Strong Island

متاح على "نتفلكس" وهو إنتاج سنة 2017 واتعرض لأول مرة في مهرجان صاندانسن وهو فيلم جريمة حقيقية دانماركي أمريكي إخراج يانس فورد، وبيحكي قصة قتل ويليام فورد، شقيق مخرج الفيلم، وهو شاب أفريقي - أمريكي كان عنده 24 سنة وقت الجريمة، وبيشتغل مدرس في نيويورك، واللي قتله هو مارك ريلي (19 سنة وقت الجريمة)، واترشح لجايزة أوسكار أحسن فيلم وثائقي، واترشح لجايزة إيمي.

-  A Brief History of Time

صدر سنة 1991 في ساعة ونص، وهو فيلم تسجيلي سيري بيحكي قصة العالم الشهير ستيفن هوكينج وإخراج إيرول موريس عن الكتاب الشهير لهوكينج  A Brief History of Time، وعن نظرياته عن الكون، والفيلم قايم على رواية قصة حياة "هوكينج" وهو واحد من أهم العقول في التاريخ، الفيلم مبني على إنترفيوهات مع أفراد عيلته.

- The True Cost

وبيحكي إزاي أكبر ماركات الملابس العالمية بتقلل التكاليف عن طريق سحق العمال ودفع رواتب زهيدة ليهم وعدم وجود تأمينات صحية أو اجتماعية، وعن الأوضاع المادية والصحية المزرية والمخيفة اللي بيعاني منها عمال صناعة الملابس والأزياء، واللي شغالين في مصانع ماركات عالمية في دول أسيوية زي بنجلاديش والهند كمبوديا وغيرهم.

- Food, Inc

أمريكي صدر سنة 2008 بيتكلم عن حجم الفساد الكبير في شركات صناعة الطعام، وعن جري الشركات دي ورا جني المكاسب والأرباح في غياب الرقابة على الصناعة نفسها، وكل ده حصل عن طريق زرع كاميرا خفية داخل مصنع من مصانع الأغذية

Comments: