٩ حكايات خيانة حقيقية هتخوفك من الارتباط

23/04/2019

العلاقات فكرة معقدة مالهاش قواعد ثابتة، ناس كتير بتكون مستريحة ومبسوطة مع شريكها أو في علاقة صحية لكن في لحظة بتكتشف خيانة الطرف التاني في العلاقة عشان تبقى صدمة العمر، حكايات الخيانة عموما مرعبة، تعقد وتخوف اللي بيسمع من إنه يدخل في علاقات طول عمره، موقع Buzzfeed طلب من جمهوره إنه يحكي ازاي اكتشفوا إنهم بيتعرضوا للخيانة ودي كانت الحكايات:

1

كانت بتظبط لعيد ميلاد صاحبها اللي مصاحباه بقالها سنة تقريبا، وطلبت من صاحبه إنه يساعدها في تظبيط العيد ميلاد، رد عليها وقالها "طبعا هساعدك بس أنا عارف إن ممكن يبقى عنده خطط تانية مع صاحبته" ولما سألته إزاي قالها إنه كان فاكر إنهم سابوا بعض بعد ما صاحب البنت التانية

2

هي شغالة موظفة في ديزني لاند وصاحبها طلب منها تذكرتين له ولأخته هدية عيد ميلادها، عشان تتفاجئ بيه في الشيفت بتاعها مع واحدة تانية

3

"كنا متصاحبين وإحنا في ثانوي وبعد كده كل واحد دخل جامعة مختلفة، وجيه عشان يزورني في ويك إيند ونسي يعمل Log out من أكونت الفيسبوك بتاعه من على الكومبيوتر بتاعي قبل ما يمشي، فتحت بالغلط الـ Inbox عنده ولقيت رسايل من واحدة صاحبته بتقوله فيها "هتسيبها إمتى" ده غير إنها لما قلبت في المسدجات بينهم لقت فيه "Sexting"

4

"مامته قالتلي من غير ما تقصد إنه لسه متجوز"

5

كنا مع بعض 5 سنين واتخطبنا، ورجعت من الشغل بعد شيفت 16 ساعة ولقيته هو وصاحبتي قاعدين على ترابيزة المطبخ بتاعي، كانت حامل والطفل ده كان منه بس فضلوا مصرين إن دي كانت ليلة وغلطة.

6

البنت اللي يعرفها كلمتني الساعة 3 الصبح عشان تغنيلي أغنية "Don't cha" وصدق أو ماتصدقش غنتها أوحش من الأغنية الأصلية بتاعت The Pussycat Dolls

7

بابا قفشه مع واحدة تانية في البنزينة الساعة 6 الصبح

8

أنا وجوزي بعد 7 شهور بس من جوازنا، كنا قاعدين على الكنبة وجات له مسدج من رقم غريب، لما عملت سيرش على الرقم بعد كده (عندها ذاكرة فوتوغرافية) والصورة اللي ظهرت كانت صورة بنت من المواقع الإباحية، ولما قلبت في المسدجات تاني لقيت فيه مسدجات تانية لبنات تانية من نفس المواقع، طبعا الحياة بعد كده بقيت مستحيلة، واتطلقنا.

9

ابن عمي اللي عنده 4 سنين قالي إن خطيبي جه ومعاه واحدة تانية، الأطفال بيقولوا أعز حاجات على القلب

Comments: