١١ ميزة في اليوم الرمضاني ملهاش علاقة بالروحانيات

06/05/2019

رمضان شهر صوم وعبادة وروحانيات ودي مميزات ماحدش يقدر ينكرها أو يقلل منها، لكن فيه شوية مميزات تانية في تكوين اليوم الرمضاني بتهون على أي حد تعب الصيام أو على الشباب عموما، أغلبنا بيستخدم المميزات دي وهو مش واخد باله بس السنة دي حاول تستخدمهم كلهم عشان تتبسط برمضان أكتر وأكتر:

1- ساعات العمل الرسمية في شهر رمضان هما 6 ساعات بس

2- البنات بتقدر ترجع البيت متأخر بحجة إن الشوارع زحمة وفيها ناس عادي

3- كل يوم بليل على السحور زبادي، زبادي كتير معدتك هترتاح أكتر

4- هتتفرج على التلفزيون اللي ترب من الركنة طول السنة عشان بتتابع مسلسلات وأفلام أجنبي

5- الناس في الشارع طول النهار بتحاول ماتشتمتش وماتعاكسش وده لحد المغرب طبعا بس

6- الشهر ده بيعدي بسرعة دايما دايما من غير أسباب

7- الصيام حجة تقدر تستخدمها في أي يوم لو مش قادر تخلص الشغل أو مكسل، ومحدش هيضايقك

8- أي طلبات أو "ديدلاينز" بيتأجلوا لبعد العيد إن شاء الله

9- أكيد هتتعزم عن حد أكتر من عزومة، وهيتوصى بيك في الأكل اللي بتحبه

10- فيه كارت هايل تقدر تنهي بيه أي مناقشة أو مكالمة زهقت منهم وهما "طب خلينا نظبط ونفطر مع بعض في يوم"

11- تقدر تضرب حلة محشي كاملة لوحدك سواء كان في فطار أو سحور "عادي" بحجة إنك صايم وهفتان ووشك مصفر

Comments: