اعتراضات على أسعار تذاكر كاس الأمم الأفريقية: الدرجة التالتة بـ 200 جنيه

29/04/2019

حددت لجنة التذاكر التابعة للجنة المنظمة لبطولة كأس الأمم الأفريقية، مصر 2019، القايمة الكاملة لأسعار تذاكر مباريات البطولة اللي هتستمر من 21 يونيو لـ 19 يوليو الجاي، والأسعار أثارت جدل كبير نظرا لأن سعر تذكرة الدرجة التالتة بـ 200 جنيه، وهي الدرجة المعروف عنها إن جمهورها من الشباب والمشجعين اللي رايحين يشجعوا ويهتفوا مش بس يتفرجوا.

- قايمة أسعار تذاكر الماتشات اللي مصر طرف فيها

200 جنيه لتذكرة الدرجة الثالثة و400 جنيها للدرجة الثانية و600 جنيها للدرجة الأولى و500 جنيها للدرجة الأولى العلوية و2500 جنيها للمقصورة الرئيسية.

1- الدرجة التالتة - 200 جنيه

2- الدرجة التانية - 400 جنيه

3- الدرجة الأولى - 600 جنيه 

4- الدرجة الأولى العلوية - 500 جنيه

5- المقصورة الرئيسية - 2500 جنيه

- قايمة أسعار تذاكر باقي ماتشات البطولة

1- الدرجة التالتة - 100 جنيه

2- الدرجة التانية - 300

3- الدرجة الأولى - 500

عدد من محبي الكرة عبروا عن اعتراضهم على الأسعار، بالإضافة لبعض الرياضيين والمحللين والفنانين اللي شافوا إن 200 جنيه لتذكرة الدرجة التالتة في ماتشات مصر سعر مبالغ فيه، خصوصا وإن أغلب مشجعي الدرجة دي هما الشباب ومحدودي الدخل اللي رايحين يتفرجوا ويشجعوا ويدعموا المنتخب في مواجهاته، وإن في كل أنحاء العالم بتُعتبر كرة القدم لعبة البسطاء.

أحمد حسام ميدو، لاعب منتخب مصر السابق، طالب بخفض سعر التذاكرة، وأكد إن التمن المناسب ليها 100 جنيه (5% من الحد الأدنى للأجور).

Comments: