اعرف درجات الحرارة أول أسبوع في رمضان: هتوصل لـ 38

02/05/2019

أصدر الدكتور أحمد عبدالعال، رئيس هيئة الأرصاد الجوية بيان اتكلم فيه عن حالة الطقس خلال الأسبوع الجاري، والأسبوع الأول من شهر رمضان.

وقال عبدالعال في البيان إن موجة حارة هتضرب البلاد من يوم الحد 5 مايو، وهتكون في أشد مراحلها يوم الاتنين 6 مايو، أول أيام شهر رمضان الكريم، عشان يسود طقس شديد الحرارة على القاهرة وجنوب البلاد، وطقس حار على السواحل الشمالية، وهتتراوح درجة الحرارة يوم الحد وأول يوم رمضان بين 36 و38 درجة.

الموجة هتبدأ في الانكسار من تاني يوم رمضان ولمدة 3 أيام، هتنخفض فيهم الحرارة 10 درجات كاملة، عشان تبقى درجة الحرارة العظمى بين 24 و26 درجة.

ممكن تتابعو نصايح للحفاظ على برودة الجسم خلال الموجات الحارة وفصل الصيف من هنا

أما درجات الحرارة خلال الـ 3 أيام اللي جايين فهي كالآتي:

الجمعة 3 مايو

القاهرة والوجه البحري 30 - 18

السواحل الشمالية الغربية 22-17

السواحل الشمالية الشرقية وشمال سيناء 22-17

جنوب سيناء والغردقة 33-26

شمال الصعيد 32-18

جنوب الصعيد وحلايب وشلاتين 41-26

 السبت 4 مايو

القاهرة والوجه البحري 30 - 17

السواحل الشمالية الغربية 26-13

السواحل الشمالية الشرقية وشمال سيناء 23-16

جنوب سيناء والغردقة 30-21

شمال الصعيد 31-16

جنوب الصعيد وحلايب وشلاتين 37-25

الحد 5 مايو

القاهرة والوجه البحري 36 - 15

السواحل الشمالية الغربية 33-13

السواحل الشمالية الشرقية وشمال سيناء 27-16

جنوب سيناء والغردقة 34-21

شمال الصعيد 36-16

جنوب الصعيد وحلايب وشلاتين 39-25

Comments: