بعد الأجازة.. 7 إحباطات مستنياك الأسبوع الجاي

03/05/2019

في نهاية الأجازة الطويلة اللي امتدت لـ 10 أيام عند بعض الناس، بنفكركم إن مفيش حد بياخد كل حاجة، وإن قصاد كل ميزة أو حاجة حلوة بتاخدها لازم تدفع التمن، بنفكرك بـ 10 إحباطات هتقابلهم الأسبوع الجاي بعد نهاية الإجازة:

1- الإجازة خلصت.. غالبا مالحقتش تعمل فيها حاجة وقضتها نوم وأكل، الأيام الجاية داخل على شغل بس من غير أجازات كتيرة

2- درجة الحرارة أول يوم رمضان 38

3- الامتحانات على الأبواب خلاص، خصوصا لو كنت ثانوية عامة فالموضوع قرب أوي 

4- الصيف داخل.. ولما تيجي تلبس اللبس الصيفي هتتفاجئ بحاجات مكنتش تعرف عنها حاجة، الدايت دلوقتي بقى ضروري

5- لو قررت تبدأ دايت هتصطدم برمضان، ورمضان يحب الأكل واللمة والعصاير والكنافة والقطايف والمكسرات وأي حاجة بتتخن

6- ليفربول: بعد تألق ميسي وفوز برشلونة بثلاثية نظيفة في "كامب نو" رغم الأداء الرائع من ليفربول في نص نهائي دوري الأبطال، للأسف "صلاح" وزمايله احتمال كبير مايعرفوش يعملوا ريمونتادا في الأنفيلد

7- المرتب: لو قبضت قبل الأجازة فالمرتب خلص أكيد، ولو لسه هتقبض بعد الأجازة فالمرتب هيخلص مع أول عزومة في رمضان

via GIPHY

Comments: