عبثيات: اعرف إزاي تعمل مسلسل في رمضان السنة الجاية

08/05/2019

رمضان معروف إنه موسم للمسلسلات وأي حد عنده موهبة في التمثيل أو الكتابة أو الإخراج بيبقى عنده حلم إنه يعمل مسلسل في رمضان، عشان كده هنقولك على أسهل وأقصر طريق تبقي مشهور بيه بس من غير ما تفرط في أي حاجة:

1- أول خطوة لازم تتطلع على الوسط والمجال كله وتعرف إن الشركة المنتجة لأغلب مسلسلات رمضان السنة دي هي شركة Synergy، الشركة انتجت السنة دي مسلسل هوجان، وعلامة استفهام، وكلبش 3، والبرنسيسة بيسة، ولأخر نفس، وطلقة حظ، وأبو جبل، وزلزال.. كفاية ولا نقولك تاني؟

2- صاحب شركة Synergy هو المنتج تامر مرسي، اعرف هو ساكن فين أو مكان الشركة فين.

3- اقف قدام العربية بتاعته واعمل نفسك اتخبطت، ولا نقولك بلاش عشان انت فقير عادي وممكن يدوسك.

4- المنتج تامر مرسي بيتصور دايما بعضلاته، اعرف هو بيتدرب في انهي جيم وروح اتدرب معاه، ومثله مشهد صغير من إبداعك في الجيم بالدمبل.. بالتوفيق عزيزي/ عزيزتي

Comments: