صور.. بعد 40 سنة من الاعتزال: عارضات "بلاي بوي" عاملين إزاي وشغالين إيه؟

13/05/2019

مجلة Playboy واحدة من أكبر المجلات الإباحية في العالم واللي بيتم توزيعها تقريبا في 30 دولة، أول عدد تم إصداره من المجلة كان سنة 1953، وعلى مدار سنين طويلة ارتبط جمهور المجلة بالعارضات اللي بيظهروا عليها، ولإن الزمن عدي وغير حاجات كتير من آخر الستينات لحد 2019 فأكيد "موديلز" "بلاي بوي" شكلهم وحياتهم اتغيرت كتير عن وقت ظهورهم في المجلة، وده اللي فكرت فيه المصورة سارة نعومي ليكوفيتش، وهي مصورة اتولدت في نيويورك وعايشه حاليا في "أثينا"، فقررت توثق التطور اللي حصل لعارضات المجلة المعتزلات، على مستوى الشكل والجسم وحتى تفاصيل الحياة والشغل، وقارنت الصور الجديدة بالقديمة، في مشروع مشروع اتعرض على موقع design you trust

1- "باربرا درومجول"

اشتغلت في " بالتيمور كلوب" من سنة 1971 لحد سنة 1973، وقالت إنها كانت عايزة تبقى مضيفة في شركة طيران بس عرفت إنها لازم يبقى عندها 21 سنة عشان تقدر تاخد الشغلانة، وفي الوقت ده كان عندها 18 سنة فاتحولت واشتغلت في Playboy ، باربرا حاليا شغالة مرشدة سياحية في متحف وعايشة في ولاية ماريلاند.

2- ريتا بلانك:

ريتا اشتغلت في "سان فرانسيسكو كلوب" من سنة 1969 لحد سنة 1973، وبعد كده اعتزلت واشتعلت في شركة فنادق، وحاليا هي شغاله في جمعيات إنسانية وبتساعد في إنقاذ الكلاب.

3- ديبي كليف

اشتغلت في كلوب "Great Gorge" في نيوجيرسي في الفترة بين سنة 1979 و1982، وبتقول إنها كانت أول ست بتقدم مشاريب في "بلاي بوي كلوب" ، وحاليا هي صاحبة مركز رعاية طبية.

4- ساندي سبيير:

كانت شغاله في "بوسطن كلوب" من سنة 1968 لسنة 1969، قالت إن مكنش عندها مشكلة في إنها كانت محط إعجاب الناس والرغبة فيها، تقاعدت عن العمل كعارضة، وبعد كده فضلت 25 سنة بتشتغل مدرسة في المدارس الحكومية في واشنطن قبل ما تتقاعد، وحاليا عايشه في كاليفورنيا وشغاله "مدرس بديل".

5- باربي هولشتاين:

اشتغلت في "جامايكا كلوب" من سنة 1968 لسنة 1974، وبعد كده اشتغلت في "نيويورك كلوب" من سنة 1979 لحد سنة 1983، وبعد كده اتطلب منها إنها تعتزل وده بسبب إنها فقدت شبابها وجمالها اللي اتعينت بسببهم أصلا، وبتقول إن مؤسس مجلة بلاي بوي " هيو هيفنر" عرض عليها إنها تتعلم وإنه هيدفعلها كل المصاريف الدراسية اللازمة، لكنها اعتزلت وحاليا قاعدة في أورلاندو في فلوريدا.

6- مارشا كالندر:

اشتغلت في "سانت لويس كلوب" من سنة 1973 لـ 1975، قالت إنها لما راحت لـ"بلاي بوي" كانت معتقدة إنهم مش هيقبلوها، وراحت بس عشان تثبت للراجل اللي بعتها هناك إنه غلطان، لكن واضح إن هي اللي كنت غلطانة، وقالت كمان إن الشغل في "بلاي بوي" ساعدها على إن يبقى عندها ثقة في نفسها وحب وتقدير لذاتها واللي كانت محتاجاه بحكم إنها بقت شخص ناضج وكبير.

7- شيريل هيل جالوتشي:

كانت شغاله في " كولومبوس كلوب" في ولاية  أوهايو، من سنة 1982 لسنة 1986، وقالت كمان إنها فاكرة إن كان فيه 3300 بنت قدموا على الوظيفة دي، وتم اختيار 34 بس منهم، وهي دلوقتي مصممة ديكور في أوهايو.

8- بام جاكوبس:

اشتغلت في "بلاي بوي كلوب" في أتلانتيك سيتي في نيوجيرسي من سنة 1981 لسنة 1983، وقالت إن أحد أمراء السعودية اتقدملها، وهي دلوقتي بتشتغل وكيل سفر وعايشة في  ريدوندو بيتش في كاليفورنيا.



 

Comments: