١٠ طرق الكلبوبات بيحتفلوا بيهم برمضان

15/05/2019

الكلبوبات موجودين في كل أيام السنة، وليهم طريقتهم في الاحتفال بالمواسم والأعياد الرسمية وغير الرسمية، وطريقتهم برضه بالتعبير عن رمضان والأجواء الرمضانية اللي ماببتغيرش بالعكس دي بتتطور كل سنة، جمعنالك الطرق اللي بيحتفل بيها الكلبوبات برمضان وهما:

1- لازم قبل رمضان يشتروا فستان أو إسدال جديد عشان ينزلوا يصلوا بيه التراويح

2- بيكتبوا كل يوم بوست إننا في اليوم رقم كذا من رمضان مع دعاء مختلف

3- بيكتبوا بوستات "استجاب" وهي إشارة يعني إن ربنا استجاب لدعوة كانوا كاتبينها في بوست قبل كده

4- بيتارجتوا الستات الكبيرة أو بالأصح أمهات العرسان في التراويح

5- بيكتبوا بوست "جماعة رامز مش هيرتاح غير لما يموت حد بجد"

6- بيلبسوا كيمونو عليه طابع رمضاني، أو بالذات عليه كف أزرق عشان رمضان والحسد وبيضربوا عصفورين بحجر يعني وكده

7- السحور عندهم اسمه Sohour، والفطار اسمه Iftar

8- بيكتبوا بوست "تم ملء الكرش بنجاح"

9- الخروج بعد الفطار دايما اسمه Ramdan Night وغالبا بيبقى في خيمة رمضانية

10- بيعملوا Countdown على ميعاد الفطار كل يوم، فاضل 3 ساعات، ساعتين، ساعة

Comments: