أفضل ٧ أفلام مقتبسة عن قصص حقيقية

19/03/2016


١- My Left Foot : The story of Christy Brown - قدمى اليسرى : قصة كريستى براون (١٩٨٩)

My Left Foot
صورة حقيقية لكريستى براون

الفيلم بيحكى عن كريستى براون (دانيال دى لويس)، الرجل اللى اتولد وعنده شبه شلل كامل وما عندوش تحكم فى أطرافه غير رجله الشمال، وقصة نجاحه المذهلة ككاتب ورسام. دانيال دى لويس حصل على أول أوسكار له كأفضل ممثل فى دور رئيسى عن الفيلم ده.

٢- GoodFellas - الرفاق الصالحون (١٩٩٠)

GoodFellas
جو بيشى (يمين)، وهنرى هيل الحقيقى (يسار)

فيلم من إخراج مارتن سكورسيزى، ومن أشهر الأفلام اللى بتتكلم عن العصابات والجريمة المنظمة. مقتبس عن كتاب Wiseguy للكاتب نيكولاس بيجيلى اللى بيحكى قصة هنرى هيل (جو بيتشى)، الشاب الصغير المرتبط بعيلة مافيا وتحوله لمرشد عليهم.

 ٣- The Pianist - عازف البيانو (٢٠٠٢)

The Pianist
فواديسولف شبيلمان الحقيقى (يمين) ،أدريان برودى (يسار)

رائعة رومان بولانسكى (المخرج) اللى بيحكى فيها عن اللى حصل لليهود فى بولندا بسبب هتلر والنازية فى الحرب العالمية التانية، عن طريق قصة حياة عازف البيانو اليهودى البولندى فواديسولف شبيلمان (أدريان برودى). بيضطر فواديسولف يعيش فى الجيتو اليهودى فى وارسو واتنقل بعد كده لمعسكرات الاعتقال فى كراكاو (بولندا)، وقصة هروبه ونجاته. الفيلم اترشح لـ ٧ جوايز أوسكار وفاز بـ ٣، منهم أفضل ممثل دور رئيسى لأدريان برودى، وأفضل إخراج لرومان بولانسكى، وأفضل سكريبت لرونالد هاوورد.


٤- Into the Wild - إلى البرية (٢٠٠٧)

Into the Wild
كريس ماكندليس (الحقيقى)

كريس ماكندليس (إميل هيرش) مغامر فى العشرينات من عمره قرر يعيش حياته كمغامر متنقل ومستكشف، واختار إنه يقضى ١٠٠ يوم فى استكشاف أدغال آلاسكا. شون بين (المخرج والممثل المعروف)، بنى القصة على كتابات جون كراكر اللى كان مهتم بالقصة ونشر تفاصيل كتير عنها وبعدها عمل عنها رواية.


٥- Zodiac - زودياك (٢٠٠٧)

زودياك هو قاتل ارتكب مجموعة من الجرايم فى سان فرانسيسكو فى نهايات الستينات، وبدايات السبعينات. ولغاية دلوقتى ما وصلوش لمين اللى ارتكب الجرايم دى. وجرائمه تعتبر من أشهر الجرائم غير المحلولة فى تاريخ أمريكا. زودياك كان بيبعت رسايل مشفرة  للشرطة والإعلام. ومن ضمن ٤ فوازير وشفرات بعتها لهم، واحدة بس اللى اتحلت بالكامل. المخرج الكبير ديفد فينشر عمل فيلم عن القصة بناه على رواية روبرت جرينسميث المقتبسة عن الأحداث الحقيقية.

٦- Wolf of Wall Street - ذئب وول ستريت (٢٠١٣)

Wolf of Wall Streetجوردان بيلفورت (الحقيقى)

فيلم ليوناردو ديكابريو الشهير، وإخراج مارتن سكورسيزى مبنى على القصة الحقيقية لرجل الأعمال جوردان بيفلورت، ورحلته للثراء الفاحش كمضارب وسمسار بورصة تقيل، وانهياره وتورطه فى قضايا جريمة وفساد مع الحكومة الفديرالية.


٧- Dallas Buyers Club - نادى دالاس للمشترين (٢٠١٣)

Dallas Buyers Club
رود وودورف الحقيقى (يمين)، وماثيو ماكوهنى (يسار)

رود وودوورف (ماثيو ماكوهنى) كهربائى سائق وإنسان عنيف، وعنصرى عايش حياة مليانة مخدرات (مدمن كوكايين)، وشرب ودعارة، تم تشخيصه بمرض الإيدز. الفيلم بيحكى قصته الحقيقية بعد اكتشافه لإصابته بالمرض، وقرايته لكل ورقة أو بحث قدر يوصل له عن العلاج. وخلال رحلته بيلاقى عقار تجريبى فى أمريكا اسمه AZT نتايجه ممتازة، وبيبدأ رحلة أخرى للحصول على الدوا ده ومحاولة توفيره لمرضى الإيدز التانيين بأى شكل. الفيلم ضمن لماثيو ماكوهنى أول فوز بالأوسكار، والجولدن جلوب كمان كممثل دور رئيسى، وجاريد ليتو عن أفضل دور تانى.

Comments: