في عيد ميلاده.. ترشيحات لـ 10 أفلام لازم تشوفها لـ “آل باتشينو”

النهاردة 25 أبريل يوم ميلاد الفنان العظيم “آل باتشينو”عشان كده عملنالكوا ليست بأفلام لازم تشوفوها ليه!

1- The Godfather


الفيلم بيحكي عن “مايكل كورليوني” اللي بيرفض يعيش حياة الإجرام مع إن أبوه وعيلته من أكبر رجال العصابات.. لكن بيحصل أحداث غير متوقعة بتضطر مايكل يدخل في الحياة دي..

2-Scarface


الفيلم بيحكي عن “توني مونتانا” لاجىء من كوبا بيروح لأمريكا عشان يبدأ حياة جديدة لكنه بتحصله عقبات كتير وبيتحول لتاجر مخدرات كبير وبنشوف رحلته طول الفيلم.

3-Scent of a Woman


الفيلم بيحكي الكولونيل المتقاعد “فرانك سليد” اللي  فقد بصره وقت خدمته في الجيش .. وبيتم تعيين شاب صغير كمرافق ليه وبيحصل بينهم مجموعة من المغامرات المختلفة بتخليهم يتعلموا حاجات عن نفسهم وكل واحد بيعرف التاني أكتر..

4-Heat


الفيلم  بيحكي عن عصابة محترفة في سرقة البنوك وصناديق الإئتمان  بيقودها “روبرت دي نيرو” وفي مرة بعد ماعملوا عملية سرقة ضخمة  بيتم التحقيق فيها من المحقق “فنسنت” اللي بيمثل دوره آل باتشينو وبيحاول يوصلهم..

5-The Devil’s Advocate


الفيلم بيحكي عن المحامي “كيفن لوماكس” اللي بيتعرض عليه وظيفة في مكتب محاماة كبير في مدينة نيويورك وتعتبر أكبر فرصة في حياته فيا ترى إيه اللي هيحصل معاه؟

6-Insomnia


الفيلم بيحكي اتنين من المباحث بيسافروا يحققوا في جريمة قتل ولكن الامور بتتعقد اكتر بسبب إصابة المحقق “ويل دورمر” بالأرق

7-The Irishman


الفيلم بيحكي عن قصة قاتل مأجور  اسمه “فرانك شيران” وقصة تحوله من محارب في الحرب العالمية التانية لـ قاتل وكمان بنعرف إزاي قتل أقرب صديق ليه..

8-Dog Day Afternoon

الفيلم عن قصة سرقة بنك حقيقية حصلت في السبعينيات ولكن بيحصل تعقيدات كتيرة بتحول كل حاجة لكابوس..

9-The Insider

الفيلم بيحكي عن” ويجاند” المسئول في شركة كبيرة للتبغ وبيتعرض لأزمة اخلاقية بسبب وقوعه بين اختيارين.. كشف أسرار صناعة التبغ المضرة أو إنه يسكت عشان يحافظ على نفسه وصحته..

10-Serpico


الفيلم بيحكي عن الشرطي (سيربيكو) اللي بيرفض الرشوة عكس زمايله من المجرمين وبيحاول يحافظ على قواعده ويحمي نفسه..