ألعاب ضيعت عمر أجيال

09/05/2018

الفيديو جيمز كانت جزء كبير من طفولة مواليد أواخر الثمانينات وأوائل التسعينات، أجازة آخر السنة كلها تقريباً كانت بتبقى ضايعة عليهم، النهاردة هنفكركم بأشهر الألعاب اللي نزلت في الفترة دي.

Sonic the Hedgehog

شخصية سونيك كانت من أكتر الشخصيات المحبوبة في عالم الفيديو جيمز. اللعبة نجحت بشكل كبيرعشان تصميم المراحل إللي كان مسلي جداً وممكن يخليك تلعب يوم كامل من غير ما تحس بملل.

اللعبة نزلت سنة 1991 على أجهزة السيجا.

Wolfenstein 3D

على الرغم إن لما نبص للعبة دلوقتي هنلاحظ إن الجرافيك اللي فيها كان حزين جداً بس وقتها كان قمة الإبهار والواقعية. اللعبة نجحت نظراً لأختلفها عن أي لعبة تانية وبسبب إيقاعها السريع إللي كان بيخليك تحس إنك بتنهج وإنت بتلعبها.

اللعبة نزلت سنة 1992 على أجهزة الكمبيوتر.

Doom

اللعبة اللي رعبت جيل بحاله ولحد دلوقتي لسه بنحاول نتعافى منها.

اللعبة تشبه بشكل كبير Wolfenstein بس إللي كان بيميزها إنها كانت مرعبة بشكل أكبر.

اللعبة نزلت سنة 1993 على أجهزة الكمبيوتر.

Metal Slug

خلصنا فلوسنا عليها وخليتنا ندورعلى الكوينز بين شيلت الكنبة.

اللعبة كانت تعتبر طفرة في الجرافيك ولو جربت تلعبها دلوقتي هتتبسط برضه.

اللعبة نزلت سنة 1996 على أجهزة الآركيد.

Age of Empires II

اللعبة اللي خلت كل واحد فاكر نفسه خبير إستراتيجي وقائد جيوش ومحرر العبيد.

اللعبة كانت من أوائل الألعاب الإستراتيجية وده إللي خلاها تسحل ناس كتير وتخليهم يطبقوا في السايبر.

اللعبة نزلت سنة 1999 على أجهزة الكمبيوتر

Comments: