تصنيفات التحرش الجنسي: اعرفي كل الأفعال اللي بتندرج تحت انتهاك الخصوصية

26/06/2019

التحرش الجنسي مش مقتصر على مجتمع واحد بس، التحرش بيحصل في كل مجتمعات العالم وأبسط مثال على كده إن فيه قضايا تحرش ضد نجوم وسياسين كبار، لكن طبعا بيكون بنسبة أكبر في مجتمعاتنا.

والتحرش هو أي كلمة أو فعل ليها طابع جنسي غير مرغوب فيها بتحسس الشخص بعدم الارتياح وبتنتهك جسمه وخصوصيته أو مشاعره.

أنواع التحرش:

1- الفرجة (النظر المتفحّص): النظر بطريقة غير لائقة لجسم الشخص أو عينيه.

2- التعبيرات بالوش (الملاحقة أو التتبع): عمل أي تعبيرات بالوش تحمل إيحاءات أو نوايا جنسية زي (العض على الشفاه، الغمز، فتح الفم).

3- اللمس: ويشمل اللمس، التحسس، النغز، الحك، الإمساك، الشد.

4- النداءات (البسبسة): وتشمل التصفير، الصراخ، الهمس أو أي نوع من الأصوات اللي ليها إيحاءات جنسية.

5- التعليقات:

زي النكت الجنسية أو الإشارات الجنسية، أو الكلام عن مشي أو لبس أو تصرفات الشخص.

6- المطاردة:

تتبع الشخص سواء بالمشي أو بالعربية بشكل متكرر، أو الانتظار خارج مكان أو منزل.

7- على الإنترنت:

زي إرسال التعليقات، الرسائل، والصور، الفيديوهات المسيئة عن طريق مواقع التواصل الإجتماعي والإيميل، أو المنتديات.

8- المكالمات:

المكالمات أو الرسائل اللي بتحتوى على اقتراحات جنسية.

9- التعري:

زي التعمد في إظهار أجزاء حميمية أمام الشخص اللي بيتم التحرش بيه.

10- الدعوة لممارسة الجنس:

طلب ممارسة الجنس أو وصف الممارسات أو التخيلات الجنسية، أو طلب رقم التليفون، أو طلب الخروج أو العشاء سوا بدون مساحة كافية تسمح.

11- التحرش الجنسى الجماعى:

والأفعال اللي اتقالت فوق اللي بيرتكبها مجموعة من الناس سوا.

12- تقديم هدايا لها دلالات جنسية:

تقديم هدايا غير لائقة زي اللانجري والبيبي دولز

Comments: