أغلفة ألبومات لنجوم البوب الحاليين في التمانينات أروش

23/03/2019



فترة التمانينات من أروش الفترات اللي عدت في التاريخ بالنسبة للموضة وتسريحات الشعر والتصوير والإضاءة ده غير طبعا الموسيقى المختلفة اللي اتعملت واتسجلت وقتها، بس لو ركزنا هنلاقي إن أغلب اتجاهات التمانينات بترجع تاني.

ويمكن ده من الأسباب اللي خلت مصمم الجرافيك والرسام  الكولومبي فولفيو أليخاندرو أوبريغون ، المعروف باسم فوليو، يحول صور نجوم البوب الحاليين لبوسترات في التمانينات وسماها " 2080 الماضي هو المستقبل" وفي المشروع ده صمم أغلفة لألبوماتهم المستقبلية باستايل التمانينات واختارلهم كمان اسم الألبوم.

اختار فوليو مجموعة فنانين معروفين جدا زي  تايلور سويفت ، بيونسيه ، جوستين بيبر ، برونو مارس ، دريك، وغيرهم، والجدير بالذكر إن  فوليو واحد من الفنانين اللي اضطروا يسيبوا وطنهم الأصلي عشان النجاح، فهو فنان كولومبي الأصل واتولد في كولومبيا لكنه اتنقل لملبورن في استراليا من سنين عشان يبقى فنان مشهور وناجح.

Comments: