في الصيام والحر: إزاي تحمي نفسك من ضربة الشمس وإزاي تتصرف لو جتلك

21/05/2019

موجة الحر اللي بدأت اليومين دول هتوصل لذروتها يوم الأربع والخميس والجمعة وهتوصل درجة الحرارة الأيام دي لـ 45 درجة، وطبعا لإننا في رمضان فنسبة التعرض لضربة الشمس أكبر اليومين الجايين.

يستحسن إن في درجة الحرارة دي ماتنزلش إلا للضرورة، ولو نزلت حاول تكون في أماكن مكيفة أو مقفولة وماتتعرضش للشمس، لو حصل ونزلت فعلا هنقولك تعمل إيه عشان تتجنب التعرض بضربة شمس:

1- البس هدوم فاتحة وابعد عن الأسود والغوامق لإنهم بيمتصوا الشمس

2- البس هدوم واسعة كمان ومريحة

3- خلي معاك شمسية أو البس "كاب"

4- استخدم Sun Block أو واقي من الشمس عامل الحماية بتاعه يكون 30 أو أكتر

5- في السحور أو في وقت الفطار عموما ماتنساش تشرب مياه بالكمية المناسبة للجسم اللي بتكون 8 كوبايات في اليوم سواء كانوا مياه أو عصاير أو مشروبات، بس المياه أهم

6- قلل مشروبات الكافيين لإنها بتفقد الجسم السوائل

7- لو النزول مالوش لزمة أجله أو انزل بليل

لو كل ده ماحصلش وبعد الشر اتعرضت للشمس، وحصلك الأعراض دي اعرف إن دي أعراض ضربة الشمس:

1- الإغماء والصداع

2- احمرار البشرة وجفافها

3- التنفس السريع

4- ضعف العضلات والتشنجات

5- قلة العرق في الجسم بالرغم من حرارة الجسم

6- نبضات سريعة وساعات بتكون ضعيفة

7- الغثيان والقيء

دي كانت الأعراض عشان تتجنب أي مضاعفات للأعراض دي الحق نفسك على طول لو حسيت بأي حاجة منهم واعمل الخطوات دي:

1- ابعد عن الشمس فورا

2- خد دش ساقع، لأ، الدش السخن هيزود المشكلة أكتر

3- استريح في السرير واعمل كمدات على منطقة الرأس والرقبة

4- كتر من شرب السوايل عشان تعوض جسمك عن السوايل اللي فقدها مع ارتفاع درجة حرارته
 

Comments: