٩ أسباب بتخلي الستات في التلاتينات أجمل من العشرينات

22/05/2019

بيتقال دايما إن الستات في التلاتينات أحلى من لما يبقوا في العشرينات، لإنهم بيبقوا لسه صغيرين وحلوين، مش بس في شكلهم لكن بيبقى في طريقتهم وصوتهم وحركاتهم، وبالرغم إن الفرق بين العشرينات والتلاتينات هما 10 سنين مش فرق جيل يعني إلا إن الـ 10 سنين دول بيفرقوا جدا.

موقع brightside قال الفراق الموجود فعلا بين العشرينات والتلاتينات:

1- مابقوش يهتموا بالسن:

ممكن يبان غريب لكن الستات في التلاتينات بيبقوا متصالحين مع حاجات كتير حتى فكرة السن نفسه، بيكونوا واثقين في نفسهم ومابيهتموش بالناس ممكن تقول عليهم إيه، وده اللي بيخليهم جذابين والناس بتهتم بيهم.

2- بيتابعوا الموضة وبينفذوها:

الستات في التلاتينات لسه بيشوفوا الموضة إيه في الميك أب واللبس، بمعنى إن الستات في العشرينات والتلاتينات بيحطوا نفس المكياج وبيلبسوا جينز وقمصان وتي شيرتات وأي حاجة موضة أو تريند بيلبسوها زي بعض.

3- قادرين يتحملوا التكاليف الغالية ويشتروا اللي عاجبهم:

في التلاتينات أغلب الناس بتكون وصلت فيها لمرحلة كويسة في شغلها حتى لو بقى عندها خبرة بس في مجال معين، عشان كده حياتهم المادية بتبقى أحسن وده اللي بيخليهم قادرين يشتروا هدوم غالية ومكياج غالي ويدلعوا نفسهم.

4- لقوا الستايل المناسب ليهم بعد ما دوروا كتير:

في التلاتينات الست غالبا بيبقى عندها كل حاجة زي بتفهم إيه اللي بيناسبها وإيه لا، وعندها شجاعة تجرب ستايلات كتير، وفلوس كمان عشان تقدر تجرب وتجيب المنتجات اللي جودتها عالية أو براندات يعني.

5- بيقدروا نفسهم:

في العشرينات تخيلي كده لو سقطتي في امتحان أو لو مديرك قالك حاجة مش عاجباكي، أو أي حدث سيء هتقضي ليلة كاملة بتعيطي تقريبا، بس الستات في التلاتينات بيبقوا قادرين يتعاملوا مع المواقف السلبية بشكل أسهل، والمشاكل الصغيرة بتبقى أقل، وكل ما تكبر في السن كل ما هتقدر تحترم وتثق في نفسها أكتر وأهدى وبتحترم خلاياها العصبية أكتر.

6- عارفين هما عايزين إيه:

أي شخص في العشرينات بيبقى مش مستقر لسه ومش عارف هو عايز إيه، عنده اهتمامات وهوايات كتير ولسه بيدور على "الكارير" المناسب له، في التلاتينات بيبقى فيه عند الشخص هدف معين وبيعمل كل اللي يقدر عليه عشان يوصل للهدف ده، ده غير الثقة في النفس اللي بتخلي الستات جذابة أصلا.

7- بيقدروا يتخطوا مخاوفهم:

كل شخص عنده شوية مشاكل متعلقة بشخصيته زي انعدام الثقة بالنفس وقلة تقدير أو حب الذات، والانهيار العصبي، لكن في سن التلاتينات الشخص بيبقى قادر يتغلب على مخاوفه أو مشاكله دي، أو حتى تتعامل معاها وده اللي بيخلي الست في التلاتينات تبقى جذابة أكتر.

8- بيبطلوا ياكلوا أكل غير صحي:

مابنقولش إن اللي بيوصلوا للتلاتين بيمنعوا الوجبات السريعة مثلا، لكن بيقللوا كمية الأكل غير الضحي أو اللي مش مفيد لجسمهم، لإنهم بيفكروا هما بياكلوا إيه وبيطبخوا بنفسهم أكتر من البنات الصغيرة، وده طبعا له تأثير إيجابي على بشرتهم ومزاجهم ومظهرهم العام.

9- بيدركوا إنهم مش هيفضلوا جذابين للأبد:

لما الست بتوصل للـ 20 بتبقى فاكرة إنها هتفضل كده طول عمرها، هيكون جسمها حلو وصحتها كويسة، لكن في التلاتينات الست بتدرك إن المستقبل قريب أكتر مما يبدو، ولازم تحافظ على صحتها وجسمها.

Comments: