أفلام عيد الفطر 2019: الفيل الأزرق 2 ومحمد حسين

22/05/2019

كعادة كل سنة بنخلص مسلسلات رمضان وبندخل على أفلام العيد على طول، السنة دي كذا نجم من اللي افتقدناهم السنة دي في مسلسلات رمضان عملوا عوضوا الغياب ده بأفلام العيد وفيه منهم اللي قدم مسلسلات أو برامج في رمضان وأفلام في عيد الفطر زي محمد إمام وأمير كرارة ورامز جلال.

هنقولك على الأفلام اللي هتبقى موجودة في السينمات في عيد الفطر 2019:

1- الممر:

بطولة: أحمد عز، أحمد رزق، هند صبري، أسماء أبو اليزيد، إياد نصار، أمير كرارة

إخراج وتأليف: شريف عرفة

قصة الفيلم بتدور عن قوات الصاعقة المصرية في حرب الاستنزاف، وبالذات قائد المجموعة 39 قتال الشهيد إبراهيم الرفاعي، الفيلم بيتكلم عن المرحلة الزمنية اللي بين حرب 1976 لحد أول وقت من حروب الاستنزاف.

2- حملة فرعون:

بطولة: عمرو سعد، روبي، محمد لطفي، محمود عبد الغني، حمدي الميرغني، رامز أمير

تأليف: كريم حسن بشير

إخراج: رؤوف عبد العزيز

بتدور أحداث الفيلم عن شاب اسمه يحيى وشهرته فرعون، وهو بيدير أكبر حملة اغتيالات منظمة في مصر، وبيضطر إنه يروح سوريا عشان يحرر حبيبته، وظهر في الفيلم نجمين عالميين وهما الملاكم تايسون ونجم  Game of Thrones هافثور يوليوس بيورنسون الشهير بالجبل.

3- كازابلانكا:

بطولة أمير كرارة، غادة عادل، إياد نصار، خالد إرجنتش، عمرو عبد الجليل، لبلبة

تأليف: هشام هلال

إخراج: بيتر ميمي

بتدور أحداث الفيلم عن شخص اسمه عمر المر وهو أمير كرارة واللي عنده مهمة خطيرة في المغرب وطبعا ده كله في سياق الإثارة والتشويق.

4- الفيل الأزرق:

بطولة: كريم عبد العزيز، نيلي كريم، هند صبري، تارا عماد، إياد نصار  

تأليف: أحمد مراد

إخراج: مروان حامد

الجزء الأول من الفيلم كانت بتدور أحداثه عن دكتور يحيى اللي اعتزل الناس لمدة 5 سنين وبعد كده رجع لشغله في مستشفى العباسية تاني بس في قسم الحالة العقلية لمرتكبي الجرايم وقابل صديق له هناك واتقلبت حياته وهو بيحاول يكتشف حقيقة صديقه، وده الجزء التاني من الأحداث دي.

5- لص بغداد:

بطولة: محمد إمام، ياسمين رئيس، فتحي عبد الوهاب، بيومي فؤاد، صلاح عبد الله، أحمد رزق

تأليف: تامر إبراهيم

إخراج: أحمد خالد موسى

الفيلم أحداثه فيها تشويق وإثارة لإنها بتدور عن مغامرة كوميدية بتحصل لما أبطال الفيلم يبدأوا يدوروا على الكنز المفقود.

6- محمد حسين:

بطولة: محمد سعد، إنعام سالوسة، فريال يوسف، محمد ثروت، مي سليم، سمير صبري

تأليف: شريف عادل

إخراج: محمد علي

بتدور أحداث الفيلم عن سواق وهو محمد سعد بيشتغل في واحد من الفنادق الكبيرة وبيتورط مع مافيا، وبيبقى متهم بقتل رسام كبير عايش في فرنسا وهو سمير صبري، وبتقبض الجهات الأمنية على محمد سعد لإنه أخر واحد زار سمير صبري في الفندق، وبيدور هو عن القاتل الحقيقي.

7- سبع البرومبه:

بطولة: رامز جلال، جميلة عوض، محمد عبد الرحمن، بيومي  فؤاد، محمد ثروت، مها أبو عوف

تأليف: لؤي السيد

إخراج: محمود كريم

بتدور أحداث الفيلم عن زوجة وهي جميلة عوض فقدت الثقة في جوزها وهو رامز جلال، وبيحاول رامز جلال يرجع ثقتها فيه تاني وبيفسل وجه اللي بيزود أزمتها النفسية، وفي الأخر بيحصل موقف حقيقي مش مدبر كالعادة، وبيدافع فيه الزوج عن زوجته (وبيظهر ياسر جلال في الفيلم) وفي الأخر بترجع ثقتها فيه.

8- الطيب والشرس واللعوب:

بطولة: مي كساب، بيومي فؤاد، محمد سلام، أحمد فتحي، طارق الإبياري

تأليف:رأفت رضا

إخراج: رامي رزق الله

بتدور أحداث الفيلم عن 3 ممثليين معتزلين بيقرروا يرجعوا للتمثيل تاني بشكل مفاجئ، وبيخططوا لتقديم فيلم عن الكائنات الفضائية.

Comments: