٧ نقط بتلخص تفاصيل أول كلية نانو تكنولوجي في مصر: الدراسة هتبدأ في سبتمبر

24/05/2019

النهاردة الدكتور محمد عثمان الخشت، رئيس جامعة القاهرة أعلن إنشاء أول كلية في مصر، للدراسات العليا المتخصصة في النانو تكنولوجي، واعتبر إنها خطوة على طريق تحويل جامعة القاهرة لجامعة جيل تالت، واتكلم عن تفاصيل ومعاد الدراسة فيها، ومدى أهميتها، وإحنا بنخلص تفاصيل الكلية الجديدة في 7 نقط:

- الدراسة الفعلية في الكلية، هتبدأ من العام الدراسي الجاي في شهر سبتمبر

- الوزير قال إن النانو تكنولوجي هي مستقبل العلم والاقتصاد العالمي خصوصا في مجالات إنتاج الطاقة وتحلية المياه وتخليق مواد جديدة بصفات فريدة ده غير دورها الكبير في مجالات الطب والصيدلة وتصنيع الأدوية وعلاج وتصنيع الأسنان وقطع الغيار الآدمية

- الجامعة بتقوم بشكل أساسي على علوم المواد والكيمياء والفيزياء والأحياء والهندسة، طبقا للمعايير العالمية

- الكلية الجديدة هتدي درجات علمية في الدبلومات المهنية والماجستير والدكتوراه وهتبدأ ببرامج ماجستير العلوم في هندسة التقنيات النانوية، وعلوم النانو الحيوية، ده غير برنامجين للدبلومات المهنية في تصميم وتركيب أنظمة الطاقة الشمسية، واستخدام تقنية النانو في الحفاظ على التراث الأثري

- الكلية هتمشي بنظام الساعات المعتمدة Credit Hours المعمول بيه في أغلب كليات جامعة القاهرة، وخلاله بيدرس الطالب عدد معين من المواد/ الكورسات في بفترات زمنية محددة لازم يخلصها

- كلية النانو تكنولوجي كمان هتبقى أول كلية ذكية Smart College في مصر، وهتعتمد على تكنولوجيا الاتصالات الحديثة سواء في أنظمة إجراء الامتحانات والاختبارات، أو في التواصل بين الدارس والمعلم، أو حتى في الشؤون الإداية

- الوزير أكد إن جامعة القاهرة عندها قاعدة كبيرة تقدر تنطلق منها في مجال النانو تكنولوجي، سواء في البنية التحتية أو البشرية

Comments: