منظمة الصحة العالمية شالت المتحولين جنسيا من قايمة المضطربين عقليا

27/05/2019

منظمة الصحة العالمية أصدرت قرار إن المتحولين جنسيا مش هيتم تصنيفهم كمصابين باضطرابات عقلية أو حالات عقلية خاصة، الخطوة دي قادرة إنها تحرر المتحولين جنسيا وثنائيي الجنس، وتخلي طريقة اختيارهم للجنس اللي هيقرروا يتنقلوا له أسهل وقانونية أكتر في العالم كله، ويمكن تساهم في تغيير صورتهم في العالم.

القرار ده تم الموافقة عليه يوم الجمعة 25 مايو من منظمة الصحة العالمية، وهي الهيئة العامة لمنظمة الصحة العالمية اللي بتمثل 194 عضو ولازم الدول كلها في العالم تبدأ تطبقه.

المتحدث عن حقوق المثليين في منظمة حقوق الإنسان "جرايم ريد" إن الخطوة اللي عملتها منظمة الصحة العالمية في إنها تشيل المتحولين جنسيا من قايمة الاضطرابات العقلية هيكون له تأثير إيجابي على العابرين جنسيا في العالم كله، وعشان كده لازم الحكومات تصلح الأنظمة والقوانين الطبية.

وقال كمان إن قضايا الصحة العقلية ملهاش أي دور في الهوية الجنسية لأي شخص، وإن اضطهاد الأشخاص المتحولين جنسيا ممكن يسبب لهم معاناة وعشان كده بيصارعوا عشان يبعدوا عنهم وصمة العار الاجتماعية والتمييز والتنمر، لكن في الأساس التنمر والتميز هما اللي ممكن يسببوا الاضطرابات العقلية للأشخاص مش هوياتهم الجنسية.

والكلام ده كان بيدعمه دكتور "جاك دريشر" وهو طبيب نفسي بيتعامل مع قضايا الجنس عموما، ووفقا للمتحولين جنسيا، في أوروبا قالوا إن الأشخاص في إنجلترا هما اللي محتاجين يغيروا وجهة نظرهم الجنسية للشخص.

Comments: