جدل بسبب تصريحات شيخ الأزهر عن ضرب الزوجة الناشز: تصحيح لمسار الأسرة

29/05/2019

ظهر الدكتور أحمد الطيب شيخ الأزهر يوم الاتنين اللي فات 27 مايو، في برنامجه "حديث شيخ الأزهر" على التلفزيون المصري، وقال إنه مع ضرب المرأة الناشز بشرط إن الضرب ده مايسببلهاش أي أذى لا جسدي ولا معنوي.

وقال شيخ الأزهر إن القرآن وضح قوامة الرجل على الست في آية القوامة، وقال كمان إن الستات بتتقسم لنوعين النوع الأول هما الصالحات اللي بيحفظوا نفسهم وأزواجهم في بيتهم ومالهم وعرضهم، ومابيطلعوش أسرار أزواجهم وبيوتهم وبيتحملوا مسؤولية البيت والأولاد، وزي ما قال إن الست بتبقى المدير التاني للبيت، لكن النوع التاني هو المرأة الناشز، وقال عنهم إنهم بياخدوا الأسرة لبعيد عن مسارها السليم وبيدمروها.

وقال كمان إن ضرب المرأة الناشز تالت أنواع علاجها زي ما بين القرأن، أولهم الموعظة ولو مانفعش بيستخدم الحل التاني وهو الهجر في المضاجع، ولو مانفعش العلاجين دول بيجي العلاج التالت وهو الضرب عشان الأسرة ماتغرقش أو تهلك.

وقال كمان إن بالنسبة للضرب فالناس بتسيء فهمه لأن الشريعة الإسلامية حددت ضوابط وحدود كتير للضرب، عشان مايحصلش أي أذى جسدي أو معنوي عشان غرضه التهذيب مش الأذى.

وكان فيه جدل كبير من السوشيال ميديا على التصريحات دي:

Comments: