١٥ حاجة عادية في كل الدول لكن محظورة في كوريا الشمالية

31/05/2019

العالم كله ماشي في اتجاه إنه يبقى وحدة واحدة والرأسمالية ربطت العالم أكتر وخلت نفس السلع بتستهلك في كل حتة في العالم، لكن في كوريا الشمالية العالم بيتطور بشكل تاني ومختلف خالص، حكومة كوريا الشمالية لسه بتحاول تتبع سياسة حماية شعبها من التأثيرات الخارجية، على سبيل المثال تسريحات شعر معينة، عشان كده جمعنالكوا الحاجات المحظورة في كوريا الشمالية:

1- الفاشون الغربي:

في كوريا الشمالية الرئيس كيم جونغ أون مانع الجينز وأنواع تانية من اللبس الغربي، لإن شغله الشاغل هو مواجهة الثقافة الغربية
 

2- كوكا كولا:

كوريا الشمالية فرضت حصار تجاري على منتجات الكولا، ومع ذلك بيتقال إنها لسه بتتباع في بعض المحلات الراقية في بيونج يانج.
 

3- حلاقة الشعر:

الرئيس كيم جونغ أون بيسمح بـ 18 حلقة بس للستات و 15 للرجالة، وعشان كده كمان بيبقى صعب جدا حد يشتري صبغة في كوريا الشمالية.
 

4- الفوط الصحية الحديثة:

الفوط الصحية الجديدة ممنوعة في كوريا الشمالية وبيتم استخدام الفوط القديمة بدل منها.
 

5- الواقي الذكري:

كل وسائل منع الحمل ممنوعة في كوريا الشمالية عشان كده لو عايز واقي ذكري بيعتبر مهمة صعبة وهدية مالهاش مثيل لأي راجل من كوريا الشمالية.
 

6- الملكية:

في كوريا الشمالية الحكومة هي اللي بتمتلك حقوق الأرض والملكية عشان كده مش من حق حد لا يبيع ولا يشتري بيت هو قاعد فيه، لكن الشعب بدأ يتلاعب بالكلام ده وبقوانين الملكية.
 

7- شجرة الكريسماس:

كوريا الشمالية دولة ملحدة رسميا، كل أشكال ممارسة الشعائر الدينية فيها محظورة أو عليها رقابة مشددة من الحكومة الكورية، عشان كده ماينفعش تشتري أي حاجة فيها ريحة دينية زي شجرة الكريسماس مثلا.
 

8- ستاربكس:

ستاربكس هو كمان ممنوع في كوريا الشمالية، ولو عايز تشرب قهوة هناك فالاختيارات محدودة جدا.
 

9- القنوات الفضائية:

الرقابة هناك  متشددة جدا لدرجة إنها مابتسمحش للشعب يتفرج على أي حاجة غير على القنوات الرسمية.
 

10- المجلات الغربية:

الدولة حظرت كل وسائل الإعلام الأجنبية، الحكومة والوكالات بتتحكم وتراقب اللي بيتم نشره، مافيش مجلات "لايف ستايل" كل المجلات اللي ممكن تقرأها في كوريا الشمالية هي مجلات سياسية أو تعليمية.
 

11- الواي فاي والمكالمات الدولية:

في حوالي مليون نسمة في كوريا الشمالية معاهم  موبايلات لكن ماينفعش يعملوا مكالمات دولية، وفيه كمان قيود على استخدام شبكة 3G، والأجانب اللي بيدخلوا البلاد بيشتروا SIM معينه عشان يتكلموا بيها مكالمات دولية بس.
 

12- تذاكر الحفلات الموسيقية:

عدد قليل من الأجانب اللي مسموح لهم يحضروا حفلات في كوريا الشمالية، عشان كده الموضوع مش مسلي، الفرقة الوحيدة اللي اتوافق على حفلة ليهم كان اسمهم "سلوفينية ".
 

13- ماركة أبل:

عموما فيه قيود على شراء الأجهزة الحديثة في كوريا الشمالية، وإن الواحد يشتري موبايل أو آيباد أبل ده مش ممكن، وبدل كل ده طورت كوريا الشمالية جهاز الآيباد الخاص بيها.
 

14- العربيات الرياضية:

هي مش موجودة اصلا في كوريا الشمالية، مش بسبب إنها غالية بس لكن بسبب العقوبات اللي فرضاها الأمم المتحدة والاتحاد الأوروبي على البلد.
 

15- الإجازات برا كوريا

مابيتمش السماح للكوريين إنهم يسافروا في أجازتهم، بيتم انتهاك حقوق الإنسان في كوريا الشمالية لكن تقريبا الشعب مش مدرك الحقيقة دي.

Comments: