أول حاجة هتشوفها في الصورة هتكشف معلومات ماتعرفهاش عن نفسك

03/06/2019

الأبحاث وعلم النفس دايما بيقولوا إن كل واحد بيشوف الصور بطريقته الخاصة، خصوصا لو الصورة تحتمل منظورين أو أكتر، وبالطريقة دي الصور بتكشف السمات والصفات الشخصية لكل شخص على حسب هو شافها إزاي، كل اللي هتحتاجه عشان تعرف عن شخصيتك أكتر هو إنك تتفرج على الصور دي وتقولنا شوفت إيه الأول، بس خليك عارف إن دي مجرد لعبة وماتخدش النتايج اللي ممكن تظهرلك بكل جدية:

الصورة الأولى:

1- شفايف: إنت دايما بتشوف الحاجات زي ما هي وبتحكم عليها عن طريق قيمتها الحقيقية، ومابتحاولش تفك رموز أو شفرات الحاجات اللي حواليك عشان تفهم معناها الحقيقي.

2- شجرة: إنت شخص طموح وبتبص دايما لحته أبعد من الناس، غير كده إنت شخص مثالي لحد دلوقتي وبتدور على المثالية في كل اللي حواليك.

3- جزور: إنت شخص متطور جدا وبتحاول دايما تغيير أو تحسين المواقف.

الصورة التانية:

1- تمساح: ممكن تبقى شخص مابتهتمش بالتفاصيل وبتهملها، إنت كمان شخص مابيحبش المخاطرة.

2- قارب: إنت دبتحب تركز في التفاصيل، وبتحب تبقى فريد من نوعك ومبدع، عموما يعني حاول إنك تفهم إن العالم شيء كلي على بعضه وماتضيعش وقتك في التفاصيل اللي مالهاش معنى.

الصورة التالتة:

1- وشين: إنت بتحب تركز مع التفاصيل وبتحب تهرب من المشاكل أو ما تواجههاش "Face to face"

2- شمعدان: إنت الشخص اللي بيحب يتقدم شوية خطوات عشان يشوف الصورة كاملة، بتحب تجمع معلومات وتدرس الموقف كويس جدا قبل ما تقرب من المشكلة أو تبدأ في حلها.

الصورة الرابعة:

1- منحدر صخري: إنت شخص متفائل بتتكيف بسهولة مع التغيرات في البيئة المحيطة بيك، وبتقدر تلاقي أرض مشتركة مع الناس بسرعة والحقيقة دي بتخليك تكره الوحدة، بالإضافة كمان إنك شخص عاطفي ومتحمس للأفكار الجديدة اللي بتجيلك.

2- قطة: إنت بتحب الاستقرار، وبتحس إنك عشان توصل للنضج الفكري لازم يبقى عندك توازن نفسي وعاطفي، وإنت كمان الشخص المسؤول عن كلامه دايما.

3- وش: إنت شخص مبدع جدا، وبتشوف العالم مكان مليان بالفرص والإنجازات المحتملة، وأهم صفات في حياتك هما الحكمة والفضول والسعادة والرضا وعندك ذوق في الفنون عموما سواء كان رسم أو أدب أو شعر أو موسيقى.

الصورة الخامسة:

1- زوجين: إنت شخص جاد جدا لما الموضوع يبقى في العلاقات، وبتفكر دايما في الناس اللي بتحبهم لإنهم بياخدوا أكبر جزء من حياتك.

2- انفجار: إنت الشخص اللي بيحس بالخوف بسهولة، عقلك غايب شوية لكن مابتحبش تعمل حاجة وإنت مش عارف نتيجتها، وأوقات بيكون عندك شوية صراعات مع نفسك.

Comments: