ليه الإنسان عنده مشاعر: 8 مشاعر أساسية بيحس بيهم كل شخص


لما بنزعل أو بنتضایق أوقات بنسأل نفسنا هو لیه إحنا بنحس أصلا! لكنه سؤال مش وجودي ولا حاجة وله إجابة، الإنسان عنده مشاعر عشان هي واحدة من السمات الأساسیة عنده ده غیر إنها بتلون حیاة البشر وهي الدافع عشان الواحد یتصرف بطرق محددة، ده غیر إنه من الناحیة الفسیولوجیة العواطف والمشاعر بتساعد الإنسان یفضل على قید الحیاة، زي مشاعر الخوف مثلا اللي بتخلي الإنسان یهرب من الخطر حفاظاً على حیاته.

المشاعر كمان في العلاقات بتخلي الشخص یراقب سلوكة الإجتماعي وینظم علاقته بالناس بطریقة غیر مباشرة، وأغلب الناس من غیر مایاخدوا بالهم بیقدروا یقروا تعبیرات الأشخاص الخارجیة اللي قدامهم اللي بتدل على مشاعرهم في اللحظة الحالیة، زي مثلا لو شوفت واحد ماشي في الشارع مكشر وماشي بسرعة تلقائي هتعرف إنه مش متضایق بس لا هترجم كمان إنه غضبان، ولغة الجسد وسیلة مهمة جدا عشان الإنسان یقدر یفهم ویترجم ویعبر عن مشاعره.

ولإن دایما الإنسان عنده مشاعر في كل الأوقات، فالمشاعر بتختلف عن الموود أو المزاج العام، لكن فیه ترابیط بینهم، فالعواطف أو المشاعر هي رد فعل لشعور معین وبیستمر لفترة قصیرة لكن المزاج العام هو شعور عام.


العواطف أو المشاعر هما عبارة عن 8 مشاعر أساسیة وكل المشاعر اللي ممكن تحس بیها بترجع للـ 8 مشاعر دي وهما (الفرح، والحزن، والغضب، والخوف، والثقة، والارتیاب، والاندهاش، والتوقع).

وبيرجع مفهوم المشاعر الأساسية لكتاب الطقوس وهو موسوعة صينية بترجع للقرن الأول وحدد 7 مشاعر بس، وفي القرن العشرين قال Paul Ekman المشاعر هما 6 مشاعر أساسية، وبيقال ان المشاعر الأساسية اتطورت عشان تستجيب لتحديات البيئة.
 

المشاعر مش لازم تكون مشاعر أساسية بس فيه كمان مشاعر معقدة وهي نتيجة من اندماج المشاعر الأساسية والإدراكية، بمعني ان ممكن الإحباط يتطور لمشاعر غضب ممزوج باعتقاد، بس وفي الغالب المشاعر بتكون نتيجة الإدراك المعقد.

Comments: