طريقة استقبال البث الأرضي لقناة Time Sports الناقلة لبطولة أفريقيا

10/06/2019

أيام قليلة وتبدأ بطولة كاس الأمم الأفريقية توتال مصر 2019، واللي هتستمر من 21 يونيو لـ 19 يوليو 2019، ورغم إقامة البطولة في مصر إلا إن قوانين "كاف" بتمنع أي بث فضائي لماتشات البطولة إلا من خلال قناة "بي إن سبورتس" صاحبة الحقوق الحصرية، لكن مصر أطلقت قناة "تايم سبورتس" عشان تذيع ماتشات البطولة مجانا ولكن على التردد الأرضي للقناة.

الموضوع ده هيقولك إزاي توصل للبث الأرضي للقناة واللي هيبقى طريقة من اتنين، لو تلفزيونك حديث وعنده إمكانية البث الأرضي الرقمي أو لو تلفزيونك مفيهوش الأوبشن ده ومحتاج "إيريال":

1- في حالة وجود "أوبشن" البث الأرضي الرقمي في التلفزيون

- هتركب هوائي أو "إيريال" وهتوجهه ناحية محطة إرسال القناة الخاصة بالمحافظة
 

- هتوصل كابل الإيريال في المكان المخصص في الشاشة واللي مكتوب عليه RF
 

- ادخل على إعدادات التلفزيون

- ادخل على "توليف إعداد القناة"

- اختار التوليف التلقائي

- اختار "بحث رقمي فقط" 

- لما القنوات تنزل اضغط على زرار "تم"

- اختار قناة "تايم سبورتس" وابدأ الفرجة

طيب تعرف منين إن تلفزيونك فيه "أوبشن" البث الرقمي؟ لو التلفزيون/ الشاشة فيها مخرج مكتوب عليه RF يبقى بيدعم البث الرقمي، لو مش موجود المخرج ده وموجود مخرج مكتوب عليه DVBT يبقى كده مش بيدعم البث الرقمي، وساعتها هتعمل الطريقة التانية

2- في عدم حالة وجود "أوبشن" البث الأرضي الرقمي

- هتحتاج تشتري جهاز استقبال بث رقمي اسمه DVBT أو DVBT2
 

- وجه الإيريال في اتجاه محطة إرسال القناة 

- وصل كابل الهوائي/ الإيريال في المدخل المخصص ليه في جهاز DVBT والمدخل مكتوب عليه ANT-IN

- وصل جهاز DVBT بالتلفزيون/ الشاشة عن طريق الكابل الثلاثي (الأحمر والأصفر والأبيض) أو عن طريق كابل HDMI
 

- ادخل على قايمة البحث الخاصة بجهاز الاستقبال DVBT

- ابحث عن الإرسال الأرضي الرقمي

- احفظ القنوات اللي استقبلتها بعد البحث

- شغل تايم سبورتس وابدأ فرجة

Comments: