"أوبر" أعلنت معاد تشغيل خدمات التاكسي الطائر

13/06/2019

كل أفلام الخيال العلمي كانت بتقول إن إحنا بعد سنين مش هنتحرك بالعربيات على الأرض وإن العربيانت بعد كده هتطور وتطير وده عشان نخفف من الازدحام المروري، وبالفعل شركة أوبر حاليا عندها خطط إنها تنفذ ده.

قالت شركة أوبر لخدمة سيارات الأجرة إن أستراليا هتكون أول بلد يتطبق فيها خدمة التاكسي الطائر اللي هيطلق عليه "أوبر أير"، وقالت الشركة إن أول مدينة في أستراليا هيتم تطبيق فيها النظام ده هي مدينة "ملبورن"، لكنها هتكون تالت مدينة عموما وأول مدينتين هما دالاس ولوس أنجلوس.

وقالت الشركة إن الرحلات التجريبية هتبدأ في 2020 وهتنبدأ بالفعل في 2023، بالإضافة كمان إن شركات كتير بتفكر تخلى الفكرة أسلوب نقل في المستقبل لإن زي ما قالت شركة أوبر إن النقل الجوي ده هيخفف حركة الاختناق المروري في لندن.

وقال " إريك أليسون" الرئيس العالمي لقسم الطيران بشركة أوبر ألفيت إن طول ما المدن الكبيرة بتنمو ففكرة الاعتماد على إن يبقى الشخص بيمتلك عربية دي فكرة صعبة وإن أوبر عنده حلول هايلة للمساعدة في الحد من الزحمة المرورية"

وقال كمان إن أوبر أير قادرة إنها تقطع 19 كيلو في 10 دقايق بس بدل من ساعة كاملة بالعربية، وإن أوبر بتشتغل مع ناسا والجيش الأمريكي على تطوير برنامجها الخاص بأوبر أير، وبتتعامل مع شركتين تصنيع طيارات وهما إمبراير، وبيبيستريل.

Comments: