مترجم في جيبك.. جهاز ياباني بيترجم كلامك لأكتر من 40 لغة

17/06/2019

اللغات ممكن تكون الحاجة رقم 1 اللي بيبص لها أي رب عمل أو مدير بعد الخبرة، خصوصا لو بتشتغل في بلد أجنبي، كونك عارف لغة تانية بيفهمها أهل البلد وبتخليك عارف تتواصل مع الناس، وتعمل سيرش وتعمل بريزنتيشنز وتبعت إيملات، دي بقت حاجة لا غنى عنها في أي شغل، طبعا ممكن يتعلم لغة البلد اللي بيشتغل فيها أويبقى معاه إنجلش على أقل تقدير، لكن ماذا لو مسافر أجازة أسبوع في أي بلد أوروبية أو آسيوية؟ اليابان حلت الموضوع.

جهاز صغير جدا اسمه MUAMA Enence بيترجم الكلام الفوري اللي بتقوله لأي شخص في نفس اللحظة للغة إنت بتختارها، العظيم إن الجهاز ده بيدعم أكتر من 40 لغة، ومن مميزاته إنه بيوفر تواصل فوري مع أي شخص بيتكلم أي لغة، هتقدر ساعتها تختار اللغة دي وتتكلم والجهاز يترجم.

وفي الوقت اللي التعاقد مع مترجم خاص مكلف جدا ومش بيوفرلك غير لغة أو اتنين، وجود الجهاز ده بيوفرلك أغلب لغات العالم المهمة والمستخدمة وبتكلفة منخفضة، ده غير إن جودة الصوت في الأماكن الزحمة مش بتتأثر، الفيديو الجاي بيوضح إزاي الجهاز بيشتغل وبيترجم بشكل لحظي:

Comments: