ضوابط دخول ملاعب كأس الأمم الأفريقية: حظر اصطحاب شواحن الموبايلات وأقلام الليزر

20/06/2019

بكرة بطولة الأمم الأفريقية هتبدأ بكرة وأول ماتش هيتلعب في استاد القاهرة الدولى بين منتخب مصر ومنتخب زيمبابوي ، ولتأمين الماتشات اصدرت وزارة الداخلية خطة أمنية كاملة متكاملة بالتنسيق مع جميع الجهات المعنية بتستهدف فيها أمن وراحة الجماهير بداية من الطرق اللي بتودي الجماهير للاستاد وفي الاستاد نفسه، والخطة الأمنية عبارة عن:

1- مش هيتم السماح لحد بدخول الاستاد الا اللي معاهم الـ Fan ID

2- هيتم فتح الأبواب من الساعة 1 مساء يوم الجمعة يوم الماتش، وهتتقفل الساعة 6 ونص، ومش هيتم السماح بالدخول بعد الميعاد ده.

3- خطر اصطحاب الأدوات والممنوعات اللي بتشكل خطر عام على جسم الإنسان حتى لو كان ليها أغراض و استخدامات تانية، وكل الأجسام المجهولة الهوية أو اللي مفيش أي أسباب من وجودها زي (الأسلحة النارية بكل أنواعها حتى المرخص منها، محدثات الصوت من الصواريخ والألعاب النارية – شماريخ – الآلات الحادة والمدببة – أجهزة التسخين ومصادر الاشتعال - مواد سريعة الاشتعال -عبوات الغاز المضغوطة - أقلام الليزر – الصفارات – الإسبراي – POWER BANK - علب الكبريت – العصى الخشبية للأعلام - الولاعات – شواحن الموبايلات – الموبايلات المغلقة - أزايز وعلب المياه الغازية المعدنية – الأسلاك الكهربائية بكل أنواعها ، البطاريات الجافة – أجهزة الريموت كنترول – مفاتيح الكهرباء – شرائح لحام الأسلاك).

4- اللي بيتم السماح بدخولة هو كوبايات المياه البلاستيك وعلب العصير الكارتون، والأكل في أطباق فويل، والموبايلات المفتوحة.

5- وتم تزويد المدرجات بكاميرات مراقبة لرصد مظاهر الشغب والاحتكاك عشان يتم من خلالهم أخد الإجراءات القانونية، وتم عمل منافذ عشان تسهل دخول وخروج من خلال نقط تفتيش وفرز.

6- وفي الاستاد تم عمل إشارات عشان تسهل دخول الجمهور لساحات الانتظار وطرق الوصول والخروج، ده غير الخدمات الأمنية اللي ممكن تسترشد من خلالها.

7- هيتم تأمين الاستاد وكل ماتشات البطولة باستخدام طيارات "الدرونز" واللي هيتم من خلالها تصوير وشوش كل اللي في الملعب ومطابقة وشهم مع الـ ID  الخاص بكل مشجع فيهم ومراقبة حركته طول وجوده في الاستاد.

Comments: