اعرف مباريات اليوم التاني من كأس أمم أفريقيا ومواعيدها

22/06/2019

تاني أيام كأس الأمم الأفريقية مصر 2019، بعد افتتاح رائع أبهر العالم وحصد ردود أفعال إيجابية جدا على أكتر من مستوى، النهاردة هيكون فيه 3 ماتشات، واحد من المجوعة الأولى (مجموعة مصر)، بالإضافة لماتشين المجموعة التانية اللي هيتلعبوا ورا بعض النهاردة:

الماتش الأول بين الكونغو الديمقراطية وأوغندا في المجموعة الأولى على ستاد القاهرة، وهيتذاع على قناة "بي إن ماكس 1 الساعة 4 ونص العصر، والماتش التاني هيكون ضمن منافسات المجموعة التانية بين نيجيريا وبوروندي الساعة 7 مساءً على ستاد الإسكندرية، أما الماتش الأخير، فهيكون بين غينيا ومدغشقر الساعة 10 مساءً، ضمن المجموعة التانية اللي بتتلعب مبارياتها على ستاد الإسكندرية، واللي هتتذاع على "بي إن ماكس".

جدير بالذكر، إن منتخب مصر فاز في مباراة الافتتاح ضد زيمبابوي بهدف وحيد سجله تريزيجيه في الدقيقة 39، عشان يتصدر المجموعة بأول 3 نقاط ياخدهم في البطولة، في ماتش شهد إصابة مدافع مصر أحمد حجازي بكسر في الأنف بعد التحام هوائي مع واحد من لاعيبة زيمبابوي، لكن اتحاد الكورة طلع بيان قال فيه إن إصابة حجازي مش هتمنعه يكمل في البطولة، ويشارك في التدريبات والماتشات الجاية.

Comments: