رد المصريين على ميريام فارس بعد تصريحها إنها: كبرت وبقت تقيلة على مصر

23/06/2019


بجانب الحفلة اللي شغالة دلوقتي على "عمرو وردة" بعد واقعة فتاة الـ Boxing? Hahah، فيه حفلة تانية شغالة على جنب بس المرة دي في المجال الفني وهو هجوم المصريين على "ميريام فارس" بعد تصريحاتها اللي قالت فيها بالنص: "كبرت والأجر عليِ وصارت متطلباتي أكبر وصرت تقيلة على مصر" رداً على سؤال أحد الصحفيين لها في المؤتمر الصحفي بحفلها الأخير في الرباط لما سألها عن تغيبها عن مشهد الحفلات الغنائية في مصر، وقبل ما نستعرض الرد وهجوم المشاهير عليها ده الفيديو اللي قالت فيه الكلام ده:

 

ورغم إن المصريين عندهم حاجات كتيرة يتكلمو فيها على السوشيال ميديا في الفترة دي بالذات إلا إنه تصريحات ميريام ما مرتش مرور الكرام كده وده طبعاً لأن المصريين بيتحمقوا على أي حد يجيب سيرة بلدهم بطريقة وحشة، فالفنانة خدت نصيبها من الهجوم بداية من بعض المشاهير في الوسط الفني والغنائي اللي نشروا تويتات وبوستات اتكلموا فيها عن الموضوع:

أمير طعيمة:

أحمد شامي:

رامي جمال:

وليد منصور:


 


والموضوع ماوقفش عند المشاهير، كتير من الجمهور كتبوا آرائهم المهاجمة على تصريحات ميريام على منصات مواقع التواصل زي تويتر وانستجرام
 

وده اللي خلى هاشتاج #ميريام_فارس الترند رقم 2 على تويتر في مصر حتى الآن وقت ما بيتكتب الموضوع ده، وفي وسط الهجوم ده، حبينا نستعيد معاكم بعض التصريحات اللي قالتها ميريام على فترات متباعدة وكانت كلها ايجابية عن حبها لمصر وعن اعترافها بإن مصر صاحبة الفضل على شهرتها:
 



 


 


 

تغير رأيها بشكل متناقض هو اللي مخلي الناس مستغربة ومتعصبة تجاه تصريحاتها، والبعض توقع إن ميريام فارس هترد لأنها بالتأكيد لو ما كانتش بالذكاء الكافي اللي يخليها تقول تصريح زي ده فهي أكيد عندها جزء من العقل هيقولها إنها لازم تتصرف تجاه الموضوع ده بشكل مايخسرهاش الجمهور والسوق المصري خاصة أن أقوى الـ Hits ليها هي أغاني باللهجة المصرية حتى أغلب عناوين ألبوماتها بيبقى بعنوان أغنية مصرية من الألبوم. وده اللي حصل فعلاً من خلال البيان اللي نزلته
 

قولولنا رأيكم شايفين البيان اللي اتنشر كافي إنه يهدي غضب الجمهور المصري خصوصا إنه بيان توضيحي مابتعتذرش فيه؟ ولا الموضوع واخد أكبر من حجمه 
 

Comments: