مدير المنتخب لـ The glocal: زملاء "وردة" متعاطفين معاه.. وهنحسم قرار عودته النهاردة

27/06/2019


من ٥ أيام تقريبا ومصر كلها ملهاش كلام إلا عن عمرو وردة، وبلغت ذروة الأحداث لما اتسربت ڤيديوهات إباحية ليه وعلى أساساها تم استبعاده من قايمة المنتخب اللي بتشارك في كاس الأمم الأفريقية ٢٠١٩.

وبعدها اعتذر"وردة" في ڤيديو حقق كتير من التعاطف، واللي بسببه توقع أغلب الجمهور إنه هيتم العفو عنه ورجوعه للمنتخب، خصوصا مع احتياج الفريق لحالة من الهدوء والاستقرار عشان يقدر يكمل في البطولة اللي بنعتبر من أقوى المرشحين للفوز بيها، أو المرشح الأول.

احنا اتكلمنا مع إيهاب لهيطة، مدير المنتخب اللي قال إن زمايل "وردة" متعاطفين معاه جدا بعد الاعتذار، وأكد إن مفيش قرار رسمي اتاخد حتى الآن برجوعه للمنتخب من عدمه.


 لهيطة قال لـ The glocal كمان إن القرار هيتاخد النهاردة بحد أقصى، وأضاف "ماينفعش نتأخر عن كده".

Comments: