ملخص حكاية مرض ريهام سعيد ورد فعل السوشيال ميديا 

30/06/2019

كتبت الإعلامية ريهام سعيد على صفحتها الشخصية على الفيسبوك وانستجرام بوست إنها اتصابت بمرض في وشها وطلبت من جمهورها إنه يدعيلها، وحطت صورة مكتوب فيها "حين وفاتي لا تهجروني ولا تحرموني من الدعوات، سامحوني جميعكم.. فالدنيا أصبحت مخيفة، والموت لا يستأذن أحدًا"

وبعدها كشفت صفحتها الرسمية "صبايا" عن تفاصيل حالتها الصحية وقالت إن الميكروب اللي اتصابت به في وشها الدكاتره قالوا إنه خطير، وإن الخطر لسه موجو وإنهم حاليا بيحاولوا يقضوا على الميكروب ده لإنهم خايفين إنه يوصل للمخ، عشان كده هتخضع لعلاج مكثف في الفترة اللي جايه عشان يتم السيطرة على البكتريا وماتنتشرش في كل جسمها، وقالت الصفحة الرسمية كمان إن هتفضل تحت الملاحظة أسبوعين عشان تتخطى مرحلة الخطر، وهيتم منع الزيارة عنها، وانتشرت أخبار إن الإعلامية إنها هتجهز نفسها خلال الفترة دي للسفر لواحدة من الدول الأوروبية عشان تتعالج هناك.

وللسبب ده انتشر هاشتاج على تويتر بأسم ريهام سعيد، وكان فيه ناس متعاطفين معاها وناس تانية غير متعاطفين، زي:
 

وده اللي خلى الإعلامي شريف مدكور يتطلع لايف على أكونت الفيسبوك الرسمي بتاعه وقال إن ريهام سعيد اتظلمت من المجتمع وهو مش عارف إيه السبب لحد دلوقتي، وكمل وقال إن كفاية الحلقة اللي عملتها عن القدس وكفاية القنبلة اللي اترمت عليها، وإنها عملت 3 ألاف حلقة في حياتها ولو 100 مش عاجبين الناس مش حلوين ليه الهجوم ده! وختم كلامه وقال ربنا يشفيكي يا ريهام أنا مش فاهم نوع المرض ده إيه بس اللي فاهمه إنه خطير، الست دي طيبة أوي"


 

Comments: