إيه أحسن فصل في السنة عشان تدخل في علاقة؟: تحليل للحب في الأربع فصول

01/07/2019

أكيد كلنا اتفرجنا أو سمعنا حتى عن فيلم اسمه "في الصيف لازم نحب"، اسم الفيلم خلى الجملة دايما ترن في وداننا أو لما حد يدخل علاقة في الصيف بنرد نقوله إننا "في الصيف لازم نحب"، مع إن الصيف هو فصل العرق والحر والتلزيق، وفي فصل الشتا أغلب الناس بتبقى محتاجة حنان وخروج وتنزل Dates ويحسوا إن فيه شريك ليهم في حياتهم، عشان كده فكرنا نشوف إيه أحسن فصل ممكن تبدأ فيه علاقة جديدة.

فصل الشتا: 

بالرغم إننا في الشتا بنشوف "بوستس" كتير بيقولوا فيها محتاجين حضن يدفينا، وننزل Date ونشرب هوت شوكليت وسحلب وحلبة حصى، إلا إن دكتورة علم النفس سوزان ديفيس، قالت إن الشتا وقت صعب عشان حد يدخل فيه علاقة وده راجع لإن في الشتا أصلا بنكون أشخاص غير اجتماعية وبنعاني من تقلبات في المزاج، وبنقعد في البيت أكتر.

وفي الغالب تقلبات المزاج دي بتكون راجعة لقلة عدد ساعات الشمس، وفي فصل الشتا أغلبنا بيبقى عايز يروح عشان يقعد تحت الغطا في السرير ومايعملش أي حاجة، وده اللي بيخلي الشخص مش منغلق شوية ومش قادر يتعامل مع ناس فعشان كده الشتا بيكون فصل صعب إنك تصاحب فيه أو تدخل علاقة من جديد.

فصل الربيع:

بعد ما الشتا بيخلص بيجي فصل الربيع اللي كلنا بنبقى مستنينه عشان نخرج وننطلق لإن من المعروف عن الفصل ده إن جوه بيكون معتدل، وعموما ناس كتير بتشوف إن فصل الربيع هو أحسن فصل عشان تبدأ علاقة جديدة أو تنهي علاقة قديمة فاتت.

ووفقا للدكتورة جين غرير دكتورة العلاقات الأسرية، فإحنا بنتمسك بالعلاقات في الشتا جدا حتى لو مش هي اللي عايزينه، ده بيتغير مع فصل الربيع وثقة الشخص بترجعله تاني ومزاجة بيثبت وبيبقى أحسن.

فصل الصيف:

الصيف هو الفصل اللي بنخرج فيه وبنصيف وبنتعرض لشمس وتان وبيبقى فيه حفلات وبالرغم من إن كل الحاجات دي هتبقى فرصة كويسة عشان تتعرف على ناس أو تنزل Date لكن هو برضه مش أحسن وقت عشان تبدأ فيه العلاقة.

عالمة الأنثروبولوجيا دكتور هيلين فيشر قالت إن الصيف مش أحسن وقت عشان الشخص يبدأ فيه علاقة، ده لإنه فصل مابيسمحش بالتجمعات، أغلبنا بنسافر أو بنخرج أو بنتلهي في حاجات تانية، وبالرغم من إن الصيف مش أحسن فصل عشان تحب فيه، لكن هو أحسن فصل عشان تكتشف فيه نفسك وهواياتك، بيقول دكتور مايكل هوليك الدكتور في جامعة إن الشمس بتقلل مستويات الميلاتونين وبتخلي الشخص يحس إنه فايق ومنفتح على أفكار جديدة، وده اللي بيخلي الشخص في فترة الصيف بيبقى عايز يتعرف على أشخاص جديدة ويخرج.

فصل الخريف:

الفصل ده هو أكتر وقت خطر في السنة تقريبا، لإن الدوشة اللي بتكون في الصيف بتبدأ تقل وبنرجع لروتين يومنا وحياتنا تاني، وعشان كده ده بيبقى أحسن وقت تبدأ فيه علاقة في السنة، وعن طريق دراسة عملها الفيسبوك في سنة 2012 إن أغلب الأشخاص العزاب غيروا حالتهم الإجتماعية لـ"In relationship " أو مخطوبين، ده غير كمان إن الخريف وقت مناسب للحب عشان هتبقى بتدور على شخص تقضي الشتا معاه.

الـ Dates اللي بتكون بالليل أحسن وقت ليها بيبقى في الخريف، وكمان فيه باحثين في  جامعة هونج كونج للعلوم والتكنولوجيا إن في الخريف الستات والرجالة بيبدأو يختاروا إيه الأفلام اللي المفروض يتفرجوا عليها مع وهما متدفيين.

في النهاية يعني إن ماطلعش إن في الصيف لازم نحب ولا حاجة زي ما قال الفنان محمد عبد العزيز ولا حاجة والخريف هو الفصل اللي لازم نحب فيه

Comments: