القصة الكاملة لأزمة بيبسي والمنتخب: الإعلان متحرف

10/07/2019

بعد هزيمة المنتخب قدام منتخب جنوب أفريقيا وخروجه من دور الـ 16 بدأ لعيبة المنتخب يكتبوا على حسابتهم الرسمية على السوشيال ميديا اعتذارات للجمهور عن خروجهم من البطولة زي محمد صلاح وطارق حامد وأحمد حجازي وعمرو وردة ومحمد الشناوي، كان فيه بعض الاعتذارات اللي قبلها الجمهور واعتذارات الجمهور غضب بسببها أكتر.

لحد كده كانت الاعتذارات عبارة عن مبادرات شخصية من اللعيبة للجمهور، لكن من ساعات تم تسريب إعلان لبيبسي بعنوان "الاعتذار واجب" بيعتذروا فيه اللعيبة عن خروجهم من البطولة وقالوا في الإعلان نصا "بصوا إحنا ممكن نديكم حجج.. السنين، وممكن نقول الحكام.. وإنتوا عارفين، بس أسلم حاجة نعتذر.. آسفين" 

الغريب في الموضوع إن شركة بيبسي لحد دلوقتي مانزلتش الإعلان ده على صفحتها الرسمية، والإعلان مجرد تسريب، لكن بالرغم من كده فالإعلان فكرته مستفزة جدا لإنه غير معروف هو اتصور مع إعلانات البطولة قبل ما البطولة تبدأ وكانوا متوقعين إنهم هيخسروا فعملوا الإعلان ده! ولا اتصور في الأيام الأخيرة بعد الخسارة وحتى لو بعد الخسارة فدي برضه مش أنسب طريقة يعتذروا بيها على أداءهم السيء في ماتشات البطولة، والناس على السوشيال ميديا شافت كمان إنهم يعتذروا لما يبقوا عاملين اللي عليهم وإنهم خذلوا المصريين.

الجدير بالذكر إن إعلان بيبسي يالتعاون مع شيبسي لكن كل براند منهم خد الموضوع في ناحية مختلفة، شيبسي خدت الموضوع من ناحية الجمهور والمشجعين لكن إعلان بيبسي كان بيتكلم على لسان اللعيبة، اللي حصل إن بعد الخسارة نزل إعلان لشيبسي أو بمعنى أصح اتسرب لإن الصفحة الرسمية لشيبسي مانشرتهوش عندها كان الجمهور بيقول فيه "هو إيه اللي حصل؟" وبرضه غير معروف هل هو اتصور قبل البطولة تحسباُ للخروج من البطولة ولا بعد الخروج من البطولة، وده الإعلان: 

إعلان بيبسي كمان ماتنشرش لحد دلوقتى على الصفحة الرسمية لشركة بيبسي وهو عبارة عن تسريب بس فهل هي حركة مقصودة كنوع من جس النبض ورد فعل الجمهور ولا غير مقصودة وفعلا تم تسريبه وشركة بيبسي ماكنتش هتنزله؟ لكن ظهرت ردود من بعض الناس على السوشيال ميديا وأكدوا إن الفيديو فعلا تم تسريبه، وفي الساعات اللي فاتت شركة بيبسي بعتت إيميل لبعض المنصات الإعلامية بينص على عدم نشر الإعلان 

وأصدرت شركة بيبسيكو مصر بيان توضيحي بينص على التالي 

Comments: