نتفليكس هتتخلى عن مسلسل "فريندز" في 2020 وهيروح لبيته الجديد HBO

10/07/2019

بعد شهور من التخمينات أعلنت نتفليكس وشركة " WarnerMedia" المنتجة لمسلسل فريندز يوم التلات إن مسلسل "فريندز" مش هيكون موجود مع نتفليكس كمان شهور بداية من 2020، ومسلسل "فريندز" هو واحد من أشهر المسلسلات اللي موجودة على نتفليكس.

الناس كانت بدأت تخمن إن نتفليكس فعلا هتتخلى عن فريندز خصوصا إنها عشان تخليه أخر سنة دفعت للشركة المنتجة 100 مليون دولار. 

وأعلنت كمان الشركة المنتجة " WarnerMedia" إن المسلسل هيروح لبيته الجديد وهو قناة HBO max، والـ 236 حلقة بتوع مسلسل فريندز كلهم هيتذاعوا على قناة HBO بداية من ربيع 2020 زي ما أعلنت القناة في بيان بيوضح تفاصيل الخدمة.

 المسلسل هينضم لمجموعة من أهم وأحلى المسلسلات على HBO زي Pretty Little Liars، و The Fresh Prince of Bel-Ai، ده غير إن محتوى HBO هيكون متنوع أكتر من قبل كده وهيبدأوا يشتروا حاجات من " WarnerMedia"، Cartoon Network و CNN و Turner Classic Movies.

متابعين المسلسل طبعا استقبلوا الخبر باعتراض على الموضوع وGIFs من المسلسل بتعترض على الخبر وبدأوا يهزروا إنهم ممكن يلغوا اشتراكهم على نتفليكس بالشكل ده.


 

Comments: